एमाले निकट अनेमसंघ कुश्मा नगर कमिटिमा नयाँ नेतृत्व -अध्यक्षमा अम्बिका शर्मा
पर्वत । नेकपा एमाले निकट अखिल नेपाल महिला संघ (अनेमसंघ) कुश्मा नगर कमिटि को अध्यक्षमा अम्बिका शर्मा चयन भएकी छिन् । अनेमसंघको नगर सम्मेलनबाट शर्मा अध्यक्षमा चयन भएकी हुन् । सम्मेलनले उपाध्यक्षमा शर्मिला सुवेदी तिवारी सचिवमा प्रमिला शर्मा परी, कोषाध्यक्षमा सिता गिरी सितासु र उप सचिवमा सीता परियार चयन भएका छन् । अधिवेशनले नयाँ कार्य समिति चयन गरेको हो ।
यस अघि भएको उद्घाटन शत्रमा नेकपा एमालेकी केन्द्रिय सदस्य कल्पना चापागाईले महिला अधिकार प्राप्त भएको भनिए पनि अधिकार कार्यान्वयनमा नआएको बताएकी थिइन् । चापागाईले महिलाहरु अझै पनि चुलो चौकामा बस्न बाध्य रहेको धारणा राखिन् ।
प्रतिनिधि सभाका सदस्य तथा एमाले केन्द्रिय सदस्य पदम गिरीले अनेमसंघमा आवद्ध महिलाहरुले आफ्नै घरबाट महिला हिंसा अन्त्यको थालनी गर्नुपर्ने धारणा राखे । उनले महिलाहरु संगठनमा आवद्ध हुने तर आफ्नै घरमा भएको हिंसालाई सहेर बस्ने कार्यको अन्त्य गर्न आग्रह गरे ।
कार्यक्रमाम नेकपा एमालेका विभिन्न तहका नेताहरुले शुभकामना मन्तब्य राखेका थिए । पवित्रा श्रेष्ठको अध्यक्षतामा भएको उद्घाटन शत्रको सञ्चालन सरस्वती भण्डारीले गरेकी थिइन् ।