एसिड छ्याप्छु भन्दै प्रांक भिडियो बनाउने युटुबर कावासोतीबाट पक्राउ

पूर्वी नवलपरासी/ सडकमा हिँडिरहेकी एक महिलालाई एसिड प्रहार गर्ने धम्की दिँदै गरगहना र नगद लुटेको प्रांक भिडियो बनाउने एक युवकलाई प्रहरीले पक्राउ गरेको छ ।प्रहरीको केन्द्रीय अनुसन्धान ब्यूरोले नवलपरासीबाट ती युवकलाई पक्राउ गरेको हो । बाटोमा हिँडिरहेका महिलासँग भएको मोबाइल, पैसा माग्ने नत्र एसिड छ्याप्छु भन्दै धम्क्याएर भिडियो बनाउने ‘बदमास केटा’ नामक युट्युब च्यानल संचालक पूर्णचन्द्र भुसाललाई सोमबार प्रहरीले पक्राउ गरेको हो ।
भुसालले यही साता एक महिलालाई धम्क्याएर पैसा र गहना माग्दै गरेको भिडियो सार्वजनिक भएको थियो । सामाजिक सञ्जालमा पनि उक्त भिडियो व्यापक रुपमा सेयर भएपछि प्रहरीले चासो देखाएको हो ।

पूर्वी नवलपरासी हुप्सेकोट गाउँपालिका वडा नम्बर ३ बस्ने २६ वर्षीय भुसाललाई सोमबार प्रहरीले पक्राउ गरेको जनाएको छ ।