राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

काठमाण्डौ/ थाई नेपाली संघ थाइल्याण्डका पदाधिकारीले राष्ट्रिय सभाका सम्माननीय अध्यक्ष गणेशप्रसाद तिमिल्सिना संग उहाँको सिंहदरबारस्थित कार्यकक्षमा मंगलबार भेट गरेका छन ।
भेटमा थाइल्याण्डमा बसोबास गर्दै आएका नेपाली मूलका नेपालीभाषी थाई नागरिकलाई गैह्र आवासीय नेपाली परिचयपत्र उपलब्ध गराउन पहल गरिदिन आग्रह गरेका छन ।

भेटमा अध्यक्ष तिमिल्सिनाले थाइल्याण्डमा बसोबास गरिरहेका नेपाली भलका नागरिकका समस्याहरु समाधानका लागि आफ्नो ठाउँबाट पहल गर्ने आवश्वासन अध्यक्ष तिमिल्सिनाले दिनुभयो ।

थाई र नेपालबाट दोस्रो बिश्व युद्धताका म्यान्मार हुँदै थाइल्याण्ड पुगेका नेपाली नागरिकका चौथो पुस्ता सम्म बसि सकेका छन । गैह्र आवासीय नेपाली संघ अन्तराष्टिय समन्वय परिषदले उपलब्ध गराउने परिचयपत्र पाउन समेत थाईल्याण्डमा लामो समय बसोबास गरेका नागरिकलाई सदस्य बनाउन कठिन भएको छ । ग्रैह आवासीय नेपाली संघको परिचयपत्र नहुँदा नेपालमा आवतजावत गर्न भिष र अन्य सुविधाबाट बञ्चित हुनु परेको र नेपाली मौलिक संस्कार र संस्कृतिको बोध गराउनका लागि पनि परिचयपत्र आवश्यक भएको नेपाली संघ थाइल्याण्डकी अध्यक्ष वासाना राईले बताउनुभयो । थाईल्याण्डमा झण्डै १ लाख नेपाली भाषी नागरिक रहेका छन ।