समाजसेवी गुरुङको पहलमा ब्लड क्यान्सर पिडीतलाई ३ लाख सहयोग

पर्वत /ब्लड क्यान्सरबाट पिडित बिरामीलाई उपचारमा सहयोग पुर्‍याउन हङकङमा संकलन गरिएको ३ लाख आर्थिक सहयोग हस्तान्तरण गरिएको छ ।
काठमाण्डौ महानगरपालिका वडा नं २४ बल्खुकी ५७ बर्षिया ब्लड क्यान्सर पिडीत शान्तालक्ष्मी बस्न्यातलाई हङकङमा संकलन गरिएको ३ लाख ६ हजार रुपैया आर्थिक सहयोग हस्तान्तरण गरिएको हो । पर्वत मञ्चका अन्तराष्ट्रिय सल्लाहकार तथा आर्थर डाडाँखर्क सहयोग समिति हङकङका पुर्ब अध्यक्ष मिनप्रसाद गुरुङको पहलमा हङकङमा रहेका मनकारीहरुबाट उक्त सहयोग रकम संकलन भएको हो ।
बस्न्यातलाई उक्त रकम त्रिभुवन बिश्व बिद्यालय, शिक्षण अस्पताल महाराजगंजमा हस्तान्तण गरिएको समाजसेवी गुरुङले जानकारी दिनुभयो । बस्न्यातको गएको मंसिर २६ देखि शिक्षण अस्पतालको सुरेश वाग्ले स्मृति क्यान्सर युृनिटमा उपचार भैरहेको छ ।
गुरुङको पहलमा यस अघि पनि बिरामीको उपचार, बिद्यालय, सामाजिक काममा सहयोग संकलन हुँदै आएको छ । भविश्यमा पनि हङकङबासीका तर्फबाट यस्ता सहयोग भैरहने उहाँले प्रतिबद्धता पनि जनाउनुभएको छ ।