एमाले प्रमुख सचेतक गिरी निर्वाचन क्षेत्रका मतदाता भेटघाटमा ब्यस्त
पर्वत । नेकपा एमालेका प्रमुख सचेतक तथा पूर्व स्वास्थ्य मन्त्री पदम गिरी यति बेला जिल्ला भ्रमणमा छन् । संसद वैठक आगामी १२ गते बस्ने भएपछि सांसद गिरी पर्वतका आफ्ना मतदाताहरु भेटन गृह जिल्ला आएका हुन् ।
निर्वतमान स्वास्थ्य तथा जनसंख्या मन्त्री समेत रहेका गिरी निर्वाचनको बेलामा मतदान गर्ने मतदाताहरुको दुःख सुःख बुझनका लागि आफू निर्वाचन क्षेत्रका वडाहरुमा आइपुगेको बताउँछन् । निर्वाचन क्षेत्रका मतदाताहरुसंग भेट गर्दै एमाले केन्द्रिय सदस्य समेत रहेका गिरीले देश अस्थिरताको भुमरीमा फसेको बताएका छन् । उनले वर्तमान सत्ता गठबन्धनको आयू पनि लामो नभएको टिप्पणी गर्दै सरकार फेरबदल भईरहने नेपाली राजनीतिका कारण युवा वर्गमा राजनीति प्रति नै बृतिष्णा फैलिएको धारणा ब्यक्त गरे ।
पर्वत जिल्लाको फलेवास नगरपालिका शंकरपोखरी, थापाठाना, काार्किनेटा र कुश्मा नगरपालिकाको खौलामा पुगेर गिरीले मतदाताहरुसंग भेट गरेका छन् । निर्वाचन पछि आफू मन्त्रीको जिम्मेवारीमा रहेको र त्यस लगतै प्रमुख सचेतको जिम्मेवारी प्राप्त भएका कारण स्थानीयबासीसंग भेटघाट कम हुने उल्लेख गर्दै सांसद गिरीले जिल्लाबासीको समस्या समाधान गर्न आफू सधै लागि पर्ने बताए ।
गिरीसंगै एमाले प्रदेश सचिवालय सदस्य मेघनाथ सुवेदी, जिल्ला अध्यक्ष राजु पौडेल, जिल्ला पाटी उपाध्यक्ष पदमपाणी शर्मा, जिल्ला सचिवालय सदस्य शारदा कुमारी शर्मा, जिल्ला सदस्य परशुराम सुवेदी लगाएतको सहभागीता थियो ।
