पर्वत महोत्सवको पूर्व सन्ध्या जिल्ला स्तरीय दौड प्रतियोगिता हुने


पर्वत / जिल्ला खेलकुद विकास समिति पर्वतको आयोजनामा जिल्ला स्तरिय खुल्ला सडक दौड प्रतियोगिता सञ्चालन गरिने भएको छ ।
उद्योग वाणिज्य संघ पर्वतको आयोजनामा यही माघ ११ गतेबाट सुरु हुन लागिरहेको सातौँ पर्वत महोत्सवको पूर्व सन्ध्यामा पुरुष र महिलाका लागि खुल्ला दौड प्रतियोगिताको आयोजना गरिएको हो । जिल्ला खेलकुद विकास समिति पर्वतका अध्यक्ष हर्कमान गुरुङका अनुसार माघ ११ गते नै बिहान आठ बजे आयोजना हुने दौड प्रतियोगितामा पुरुषका लागि आठ किलोमिटर र महिलाका लागि छ किलोमिटरको दूरी निर्धारण गरिएको छ ।
प्रतियोगितामा भाग लिन ईच्छुक खेलाडीहरुले यहि माघ १० गते दिउसो तीन बजे बजेसम्ममा जिल्ला खेलकुद विकास समितिको कार्यालय कुश्मामा सम्पर्क गरि आफ्नो नाम दर्ता गराउन सकिने छ । महिलातर्फ प्रथम हुनेलाई पाँच हजार, दोस्रो हुनेलाई तीन हजार र तेस्रो हुनेलाई दुई हजार रुपैयाँ सहित मेडल र प्रमाण–पत्र दिइने छ ।
यस्तै पुरुषतर्फ पहिलो हुनेलाई आठ हजार, दोस्रो हुनेलाई पाँच हजार र तेस्रो हुनेलाई तीन हजार रुपैयाँ सहित मेडल र प्रमाण–पत्र प्रदान गरिने जिल्ला खेलकुद विकास समितिले बताएको छ ।

सम्बन्धित समाचार

Comments are closed

भर्खरै view all

राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

पर्वतका कुस्मा र फलेबास नगरपालिकाले ल्याउन सकेनन बजेट

ग्रामीण क्षेत्रलाई सुरक्षित राख्न गाउँ अभियानमा ट्राफिक

बन्दीपुरमा केबलकार-रोप परीक्षण र गोन्डोलामार्फत सामान बोकेर लोड परीक्षण

राष्ट्रिय सभाका अध्यक्ष तिमिल्सिना र चीनको जनकंग्रेसका अध्यक्ष बिच भेटवार्ता , ‘छेन्दु– पोखरा उडानका लागि चीन तयारी अवस्थामा’