पर्वत दुर्लुङका एक युवा एटीएम फोरेर पैसा चोरेको आरोपमा पक्राउ
August 7, 2022 | 8:34 pm
पर्वत । पोखरा महानगरपालिका वडा नं १७ बिरौटामा रहेको एनआईसी एसिया बैंकको एटीएम फोरेर पैसा चोर्न खोजेको आरोपमा एक जना पक्राउ परेका छन् ।
पक्राउ पर्नेमा पर्वत कुश्मा नगरपालिका वडा नं ३ बस्ने वर्ष २३ को कृष्णबहादुर बिक रहेका प्रहरीले जनाएको छ ।
प्रहरीका अनुसार एटीएम फोर्दै गरेको अवस्थामा पक्राउ गरी उनलाई जिल्ला अदालत कास्कीबाट चोरी उद्योग मुद्दामा दिन ७ को म्याद थपको अनुमति लिई अनुसन्धान भइरहेको छ ।
उनी यसअघि माछापूच्छ्रे बैंकको एटीएमबाट पैसा चोरेको आरोपमा कास्की जिल्ला अदालतबाट तोकिएको कैद भुक्तानी गरी छुटेको समेत अभिलेखबाट देखिएको प्रहरीको भनाई उद्धृत गर्दै अनलाईन खबरले समाचार प्रकाशन गरेको छ
