अरिंगालले चिलेर बाबुको मृत्युपछि बिचल्लीमा परेका बालबालिकालाई सहयोग

पर्वत/अरिंगालले चिलेर बाबुको मृत्युपछि बिचल्लीमा परेका पर्वतको कुस्मा नगरपालिका १ पाडका ६ जना बालबालिकालाई कुस्मा नगरपालिकाले आर्थिक सहयोग गरेको छ ।
कुस्मानगरपालिका १ पाङ नुवारका ३५ बर्षिय श्रीराम परियारको मृत्यु भएपछि बिचल्लीमा परेका बालबालिकालाई कुस्मा नगरपालिकाले २५ हजार रुपैया आर्थिक सहयोग गरेको हो ।
पिडीत परिवारलाई घरमा नै पुगेर कुस्मा नगरपालिकाकी उपमेयर स्वस्थानी रिजालले नगरपालिकाको तर्फबाट २५ हजार सहयोग दिने जानकारी गराउनुभएको हो छ । उहाँले बिचल्लीमा परेका बालबालिकालाई निशुल्क अध्ययनको ब्यबस्था पनि आश्वासन दिनुभयो । बाबुको मृत्युपछि २ छोरा र ४ छोरीको बिचल्ली भएको समाचार सञ्चार माध्यमबाट बाहिर आएको थियो । खबर सुनेपछि पिडीतको घरमा नै पुगेर अबस्था बारे जानकारी लिएको र नगरपालिकाको तर्फबाट आवश्यक आर्थिक तथा अन्य सहयोग गर्ने आश्वसन दिएको उपमेयर रिजालले बताउनुभयो ।


उपमेयर स्वस्थानी रिजाल र उहाँका श्रीमान रामजी रिजाल संरक्षक रहेको अरुण स्मृति अक्षयकोषबाट नगद ४ हजार १ सय तथा खाद्यान्न र लत्ताकपडा पनि सोही अबसरमा पिडीत परिवारलाई हस्तान्तरण गर्नुभएको छ । अक्षयकोषले बिपन्न बालबालिकाको शिक्षामा यस अघि देखि आर्थिक तथा शैक्षिक सहयोग गर्दै आएको छ ।
परियारको साउन १२ गते अरिंगाल पोल्ने क्रममा अरिंगालले चिलेर गम्भीर घाइते हुँदा उपचारका क्रममा मृत्यु भएको थियो । अरिगालले शरीरका बिभिन्न भागमा चिलेपछि परिवार गम्भीर घाइते हुनुभएको थियो । पर्वत, बागलुङ तथा म्याग्दीमा अरिंगाल पोल्ने गरिन्छ । जोखिमपुर्ण रुपमा हुने यस्तो कामबाट बर्षेनी धेरैले ज्यान गुमाउने तथा घाइते हुने गरेका छन । अरिंगाल स्थानिय होटलहरुमा प्रतिप्लेट १ हजार रुपैया भन्दा माथिमा बिक्री हुने गरेको छ ।

 

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

भर्खरै view all

देशभर मौसम बदली, वर्षाको सम्भावना

बन्दीपुरकाे केबलकारभित्रै खान-सुत्न पाइने, तीन अर्ब लागतमा बन्दैछ केबलकार, रेस्ट्रोकार र तारे होटल

पोखरामा एडिनो भाइरसका बिरामी बढे, विद्यालयहरू बन्द

वैदेशिक रोजगारले बढायो सम्बन्धविच्छेद,-पारिवारिक विखण्डन, विकृति, दम्पती र सन्ततिको भविष्य अन्योल बन्ने क्रम उकालो लाग्दो

कोरोनाले एकैदिन ५ जनाको मृत्यु, ८१५ मा संक्रमण