पर्वतको जलजलामा अध्यक्षले एकलौटी समितिका संयोजक घोषणा गरेपछि बिबाद


पर्वत/पर्वतको जलजला गाउँपालिकामा अध्यक्षले एकलौटी रुपमा बिषयगत समितिका संयोजक तोकेपछि बिबाद भएको छ ।
गाउँपालिका अध्यक्ष राजुप्रसाद आचार्यले चार वटा बिषयगत समितिका संयोजक एकलौटी रुपमा तोकेर निर्णय गराउने प्रयास गरेपछि बिबाद भएको हो ।
लामो समय देखि बिषयगत समिति गठनमा गठबन्धन र नेकपा(एमाले)का बिचमा सहमति कायम हुन सकेको थिएन । जलजला गाउँपालिकामा अध्यक्ष र उपाध्यक्ष गठबन्धनले जितेको छ भने कार्यपालिका र गाउँसभामा एमालेको बहुमत छ । शनिबार बसेको कार्यपालिका बैठकमा सहमति नभएको भन्दै अध्यक्ष राजुप्रसाद आचार्यले चारवट बिषयगत समितिका संयोजक तोक्ने तथा बजेट र निति तथा कार्यक्रम समेत एमालेको सहमति नभएपनि ल्याउने निर्णय लेखेपछि एमालेका जनप्रतिनिधीले निर्णयपुस्तिका नियन्त्रणमा लिएका छन ।
अध्यक्ष आचार्यले आर्थिक बिकास समितिमा हरिविकास जिसी, सामाजिक विकासमा गौबहादुर पुन, वातावरण तथा विपदमा बलबहादुर पुन र पूर्वाधार विकास समितिमा टुंगनाथ आचार्यलाई संयोजक तोकेका थिए । सबै संयोजक गठबन्धनका दलबाट छन । तर एमालेका प्रतिनिधीहरुले ६ वटा बिषयगत समिति मध्ये गठबन्धन र एमालेले ३÷३ वटा समितिको सयोजक बनाउन सहमति जनाएका थिए । एमालेले सामाजिक बिकास, आर्थिक बिकास र वातावरण तथा बिपद् समितिमा दाबी गरेको थियो । तर गठबन्धनमा सामेल नेपाली कांग्रेस र माओबादीले सामाजिक बिकास र आर्थिक बिकास समितिको नेतृत्व नछाडेपछि सहमति कायम हुन नसकेको हो ।
गाउँपालिकाका अध्यक्ष राजुप्रसाद आचार्यले सहमतिको अधिकतम प्रयास गर्दा पनि सहमति कायम नभएकाले ऐनले दिएको अधिकार प्रयोग गरेर समितिको संयोजक ताकेको बताए । ‘सहमतिको प्रयास गर्दा पनि बहुमतको अडान नछाडेका कारण अधिकार प्रयोग गरेको हुँ।’उनले भने ‘सहमतिका लागि अझै पनि तयार छु, बहुमतका नाममा सबै निर्णय मान्न सकिदैन ।
नेकपा(एमाले)बाट निर्वाचित कार्यपालिका सदस्य तथा जलजला ५ का वडा अध्यक्ष तिलक जिसीले भने ३, ३ वटा समितिको नेतृत्व गर्ने गरि सहमतिको प्रयास गर्दा पनि जर्बजस्ती अल्पमतको निर्णय लाद्न खोजेका कारण सहमति हुन नसकेको बताए । ‘एकलौटी र मनोमानी हिसाबले अघि बढ्न खोजेका कारण बिबाद भएको हो।’ उनले भने ‘कार्यपालिका र गाउँसभाको बहुमतलाई पेलेरै जाने निति लिए सम्म सहमति हुन्न, सबैलाई मिलाएर जाने दायित्व अध्यक्षको हो।’ उनले गाउँपालिकाकाले संघीय ऐनको प्रतिकुल हुने गरि गाउँपालिका कार्यसम्पादन नियमावली बनाएको र त्यसकै आधारमा अघि बढेमा थप समस्या आउन सक्ने चेतावनी पनि दिए ।
गाउँपालिकाकाको तर्फबाट निर्णयपुस्तिका कब्जा गरेको आरोपमा एमालेबाट निर्वाचित दुई जना सदस्यलाई काबार्ही गर्न जिल्ला प्रशासन कार्यालयमा उजुरी समेत दिइएको छ भने प्रबक्ता हरिबिकास जिसीले बिज्ञप्ती समेत निकालेर बिरोध जनाएका छन ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

भर्खरै view all

कुश्मा नगरपालिकाको आगामी बजेट ८९ करोड ९० लाख

जलजलाको आगामी बजेट : शिक्षा र कृषि क्षेत्रलाई प्राथमिकता

प्रचण्डले ‘आरोपपत्र’ फिर्ता लिएको भए नेकपा जोगिन्थ्यो : वामदेव गौतम

मोदी गाउँपालिकाको आगामी बजेट ७३ करोड ५२ लाख

आज यी प्रदेशमा भारी वर्षाको सम्भावना, सतर्क रहन विभागकाे आग्रह