राष्ट्रिय सभा अध्यक्ष तिमिल्सिनाले राम्जाको पशुपति मावि ‘क’ केन्द्रबाट मतदान गर्ने, निर्भिकताका साथ मताधिकार प्रयोग गर्न अनुरोध (भिडियो सहित)

पर्वत/
राष्ट्रिय सभा अध्यक्ष गणेशप्रसाद तिमिल्सिनाले पर्वतको मोदी गाउँपालिका स्थित वडा नं. ७ राम्जाको पशुपति मावि क केन्द्रबाट मतदान गर्ने भएका छन् । भोलि शुक्रबार हुने स्थानीय तहको निर्वाचनमा अध्यक्ष तिमिल्सिनाले पशुपति माविबाट मतदान गर्ने मतदान अधिकृत दुर्गाप्रसाद शर्माले जानकारी दिए । अध्यक्ष तिमिल्सिना मताधिकार प्रयोग गर्नका लागि आजै गाउँ जाने तयारी रहेको प्रेस संयोजक अशोक पौडेलले जानकारी दिए ।
अध्यक्ष तिमिल्सिना केही दिनदेखि गृह जिल्लामा नै रहेका छन् । विभिन्न सञ्चारमाध्यममा राष्ट्रियसभा अध्यक्ष तिमिल्सिनाले मतदाता प्रभावित पार्न खोजेको खबर प्रकाशन तथा प्रसारण भएकोमा दुःख व्यक्त गर्दै सञ्चारकर्मीलाई तेस्रो आँखाले हेरेर मात्रै जुनसुकै विषयबस्तुको खबर सम्प्रेसण गर्न आग्रह गरे । आफु कुनै पनि मतदाता प्रभावित हुने गरी भेला, सभा, समारोह नगरेको र नियमित भेटघाटका क्रममा गृह जिल्ला आएको तिमिल्सिनाले प्रष्ट पारे । सञ्चारकर्मीको प्रश्नमा प्रतिप्रश्न गर्दै तिमिल्सिनाले भने ‘के राष्ट्रिय सभाको अध्यक्ष आफ्नो गृह जिल्लामा आउनै नपाउने हो र ?’
तिमिल्सिनाले भोलि हुन गइरहेको स्थानीय तहको निर्वाचनमा निर्भिकताका साथ मतदान केन्द्रमा पुगेर आफ्नो मताधिकार प्रयोग गर्न सम्पूणर् नेपालीलाई अनुरोध गर्दै निर्वाचन सफलताको शुभकामना व्यक्त गरे ।

‘के राष्ट्रिय सभाको अध्यक्ष आफ्नो गृह जिल्लामा आउनै नपाउने हो र ?’https://youtu.be/4XnwW9exdM0

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

भर्खरै view all

पर्वतको महाशिलामा कार्यपालिका सदस्यमा एमालेका उमेदवार निर्वीरोध निर्वाचित

पर्वत जिल्लाका केहि धार्मिक र पर्यटकिय स्थलहरु

पर्वतमा सरदर १० प्रतिशत मत आंशिक रूपमा बदर

पर्वतको जलजलाबाट बालिकालाई यौन दुर्व्यवहार गर्ने एकजना पक्राउ

आज २०७९ साल जेठ १३ गते शुक्रबारको राशिफल