कम्युनिष्ट आन्दोलन र समाज परिर्वतनका एउटा ज्युँदो इतिहाँस गणेश -तेस्रो पटक जीतको खोजीमा

पर्वत । जिल्लामा कम्युनिष्ट पाटीका संस्थापक नेता गणेश शर्मा पौडेल अहिले चुनावी मैदानमा छन् । कुश्मा नगरपालिकाको नगर प्रमुख पदमा उमेदवारी दिएका शर्मा तेस्रो पटक चुनावी मैदानमा होमिएका हुन् ।

शिक्षण पेशामा ३२ बर्ष विताएका शर्मा तेस्रो पटक बाम दलहरुको समेत सहभागीतमा बनेको गठबन्धनको विरुद्धमा एक्लै चुनावी मैदानमा छन् । उनैले स्थापना गरेको कम्युनिष्ट पाटीका नेता कार्यकर्ताहरु गठबन्धनको नाउँमा नेपाली कांग्र्रेससंग समीकरण गरिहेको बेला ७ दशक उमेर पुगेका शर्मा एक्लै चुनावी प्रतिस्पर्धामा छन् ।

निर्वाचनका रोचक अनूभव संगालेका शर्मा पर्वत जिल्लाका संस्थापक कम्युनिष्टहरु ५ जना मध्येका एक जना पात्र हुन् । उनी विद्यालयमा शिक्षण पेशामा सग्लन्न हुँदै गर्दा देखि नै पंचायत विरुद्धको आन्दोलनमा शसक्त रुपमा स्थापीत भए । वर्गिय मुक्तिका लागि भन्दै दलित र गैर दलित वीचको खाडल अन्त्य गर्न उनले सामाजिक परिर्वतनकोे शुरुवात गरे ।

२०३६ सालमा पूर्वोत्तर एरिया कमिटि पर्वतको संस्थापक सदस्य बनेका शर्मा २०५४ सालमा नेकपा एमालेको अञ्चल कमिटि सदस्य बनेका थिए । शिक्षण पेशामा रहँदा उनले शिक्षक संगठनको नेतृत्व सम्हालेका शर्मा नेकपा एमालेको विभाजन पछि बनेको मालेबाट २०५६ सालको आम निर्वाचनमा उनी तत्कालीन प्रतिनिधि सभा निर्वाचनमा निर्वाचन लडे । पहिलो पटकको पराजयलाई पुनः जितमा बदल्ने तागदका साथ २०६४ सालको संविधान सभाको निर्वाचनमा नेकपा एमालेको तर्फबाट उमेदवार बने ।

दोस्रो पटकको निर्वाचनमा समेत असफलता प्राप्त गरेका शर्मा २०७२, २०७४ सालका स्थानीय, संघ र प्रदेशका निर्वाचनमा उमेदवार बनेनन् । यस पटक उनी नगरप्रमुखको पदमा उमेदवार बनेका छन् । एमाले भित्र सर्वसहमत नेताको रुपमा स्थापीत शर्मा कम्युनिष्ट पाटीको संस्थापक हुन् तर कम्युनिष्ट पाटीहरु अहिले शर्मा विपरितको समूहमा उनी विरुद्धको मोर्चामा छन् । निर्वाचनका धेरै घुम्तिहरु बेहोरेका शर्माले कुश्मा नगरपालिकालाई नयाँ उर्जा थप्नका लागि आफू उमेदवार बनेको बताउँछन् ।

शर्मासंग चुनावी मैदानमा नेपाली कांग्रेसका लोकप्रिय नेता रामचन्द्र जोशी छन् । उनी नगरपालिकाका संस्थापक नगरप्रमुख हुन् । जोशी दोस्रो पटक जोशी चुनावी मैदानमा छन् ।

जोशी र शर्मा वीचको चुनावी प्रतिस्पर्धालाई रोमाञ्चक मानिएको छ । कम्युनिष्ट कार्यकर्ताहरुको मत गठबन्धन भए पनि शर्मालाई आउने एका तर्फ अनुमान गरिएको छ भने अर्को तर्फ गठबन्धनको कुल मत नै बढि भएका कारण जोशीको जीतलाई आधार मानिएको छ ।

शर्मा कुश्मा नगरपालिका १० पिपलटारीका बासिन्दा हुन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

भर्खरै view all

पर्वतको महाशिलामा कार्यपालिका सदस्यमा एमालेका उमेदवार निर्वीरोध निर्वाचित

पर्वत जिल्लाका केहि धार्मिक र पर्यटकिय स्थलहरु

पर्वतमा सरदर १० प्रतिशत मत आंशिक रूपमा बदर

पर्वतको जलजलाबाट बालिकालाई यौन दुर्व्यवहार गर्ने एकजना पक्राउ

आज २०७९ साल जेठ १३ गते शुक्रबारको राशिफल