चललित्र निर्देशक लामिछाने सम्मानीत
पर्वत । चलचित्र क्षेत्रमा विशिष्ट योगदान पुराएको भन्दै चलचित्र निर्देशक गोपाल लामिछाने सहितका कलाकारलाई सम्मान गरिएको छ । अहुरी इन्टटेमण्ड प्रालिले आयोजना गरेको चलचित्र महोत्सवमको अवसरमा चलचित्र निर्देशक लामिछाने, चलचित्र लेखक अविनाश श्रेष्ठ र रंगमञ्चका पत्रकार जीवन कुमार पराजुलीलाई सम्मान गरिएको हो ।
चलचित्रको क्षेत्रमा धौलागिरी क्षेत्रमा जम्मेर विशिष्ट योगदान पुराएका ३ जनालाई प्रथम धौलागिरी चलचित्र महोसत्वको अवसरमा सम्मान गरिएको हो । महोत्सवको अवसरमा ३० वटा नेपाली चलचित्र प्रदर्शन भएका थिए । चलचित्र महोत्सवको अन्तिम दिन सम्मान कार्यक्रमको आयोजना गरिएको थियो ।
विगत २ दशक देखि चलचित्र क्षेत्रमा सक्रिय लामिछानेले नेपाली चलचित्र द मिरर, ओ माइ मनी, बोक्सी, किन लाग्छ माया, लम्फू जस्ता नेपाली चलचित्रहरुको सफल निर्देशन गरीसकेका छन् । हाल अमेरिकामा रहेका लामिछानेको सम्मान ग्रहण उनका दाजु हरीओम शर्मा लामिछानेले गरेका गरेका थिए । नेपाली चलचित्र क्षेत्रमा सफल निर्देशकको रुपमा स्थापीत लामिछाने पर्वत जिल्लामा जन्मेर नाट्य विधा मार्फत चलचित्र क्षेत्रमा प्रवेश गरेका हुन् ।
जिल्लामै जन्मेका श्रेष्ठले पनि दर्जन भन्दा बढि चलचित्रहरुको लेखन गरीसकेका छन् । उनले लेखन गरेका धेरै चलचित्रहरु नेपाली चलचित्र क्षेत्रमा स्थापीत चलचित्रको रुपमा परिचित छन् । अहुरी इन्टटेमण्ड प्रालिले चलचित्र क्षेत्रको उत्थान, विकास र सम्मानका लागि पर्वतको कूश्मा स्थित सिद्देश्वर चलचित्र हलमा पुष ७ गते देखि १० गतेसम्म चलचित्र महोत्सवको आयोजना गरेको थियो ।