गायक कृष्ण अखेली र बर्षा श्रेष्ठको नयाँ कोसेली ‘कि बिर्सिन लाउर’ गीत सार्वजानिक(भिडीयो सहित)

पर्वत/तीन दशक पहिले पैदल हिँडेर मानिसहरु घ्यूसित नुन र मट्टीतेल साट्न बटौली बजार पुग्थे । युवायुवती, वृद्धवृद्धा सबै समूह बनाएर नुन लिन जाने गर्थे–लामो बाटोमा पैदलै यात्रा ।
बाटोमै रात पथ्र्यो । जंगलमै बास बस्नुपर्नेहुन्थ्यो । यात्रा सहज बनाउनगफ्फिँदै गर्दा कतिपयको मायाप्रेम बस्थ्यो पनि।यस्तै कथालाई समावेश गरिएको एउटा गीत विहीबार सार्वजानिक गरिएको छ ।
‘कि बिर्सिन लाउर’ नामक दोहोरी गीतमा पुरानो मौलिक परम्परा र संस्कृतिलाई झल्काउन खोजिएको छ । गीतमा रामे र चमेली पात्र बनेर विजय पुन र जुना गुरुङले जीवन्त अभिनय गरेका छन् । ‘भिर्नी झोलामा’ गीतबाट चर्चा कमाएका सञ्चारकर्मी तथा गायक कृष्ण अखेलीले उक्त गीत बजारमा ल्याएका हुन् । उनलाई गायिका वर्षा श्रेष्ठले आवाजमा साथ दिएकी छन् ।
शिव अखेलीको शब्द सिर्जनामा तयार भएको गीतलाई ईश्वर सिंहले भाका बनाएका हुन् । गीतको म्युजिक भिडियोलाई काजिश श्रेष्ठले निर्देशन गरेका छन् । । गीतको भिडियोमा माया प्रेमलाई निकै कलात्मक र मौलिक रुपमा प्रस्तुत गरिएको छ ।
कृष्ण अखेलीको युटुव च्यानलबाट सार्वजनिक गरिएको गीतलाई नवीन घर्तिमगरले सम्पादन गरेका छन् । सार्वजानिक गीतप्रति निकै आशा गरिएको गायक अखेली बताउँछन् । ‘जसरी भिर्नी झोलालाई माया गर्नुभएको थियो । यो गीतलाई पनि त्यस्तै माया गर्नुहुनेछ भन्ने आश गरेको छु,’ उनले भने ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

भर्खरै view all

म्याग्दीमा सरकारी सेवा लिन खोप लगाएको कार्ड अनिवार्य

बिश्वकै दोस्रो अग्लो बन्जीसँगै बिश्वकै सबैभन्दा अग्लो स्काई साइक्लिङ शुरू

गण्डकीमा यसरी बढ्दै छ सङ्क्रमण : प्रदेश सरकार पर्ख र हेरमै !

सोमबारदेखि पुनः हिमपातको सम्भावना

राष्ट्रिय युवा संघ पर्वतको संयोजकमा बाँनिया