पर्वतको पिपलटारीमा २१ बर्षिय युवकको शव फेला
September 21, 2021 | 5:09 pm
पर्वत, असोज ५ । पर्वत जिल्लाको कुश्मा नगरपालिका वडा १० पिपलटारीमा २१ बर्षिय युवकको शव फेला परेको छ ।
गण्डकी प्रदेश प्रहरी कार्यालयले दिएको जानकारी अनुसार कुनपा १० पिपलटारी बाँझखेतमा २१ बर्षिय सन्तोष मगरको शव फेला परेको हो ।
चितवन जिल्ला भरतपुर नगरपालिका वडा न १६ आहाले घर भएका मगर भइ पिपलटारीमा मजदुरको रुपमा वस्दै आएका थिए ।
मृतकको शव बुधवार विहान ८.३० बजे फेला परेको प्रहरीले जनाएको छ । मृत्युको कारण भने खुल्न सकेको छैन । प्रहरीले अनुसन्धान जारी रहेको जानकारी दिएको छ ।
