पर्वतका स्थानिय तहको पौने दश करोड बेरुजु, सबैभन्दा बढी बेरुजु कुस्मा नगरपालिकामा

पर्वत/पर्वतका सातवटा स्थानीय तहमा झण्डै १० करोड बेरुजु देखिएको छ ।
पर्वतका दुई नगरपालिका र पाँच गाउँपालिका सहित सात स्थानीय तहमा ९ करोड ७५ लाख ९१ हजार बेरुजु देखिएको हो ।
महालेखा परिक्षकको कार्यालयले सार्वजनिक गरेको लेखा परिक्षण प्रतिबेदन अनुसार पर्वतका सात वटा पालिकाको ६ अर्ब ७९ करोड ५० लाख २० हजार बजेटको लेखापरीक्षण गर्दा १.२४ प्रतिशत बेरुजु देखिएको हो ।


महालेखाको प्रतिबेदन अनुसार पर्वतमा सबैभन्दा धेरै बेरुजु कुस्मा नगरपालिकाको देखिएको छ भने सबैभन्दा कम पैंयु गाउँपालिकामा देखिएको छ । कुस्मा नगरपालिकामा १ अर्ब ६३ करोड ४८ लाख ८४ हजारको लेखापरीक्षण गर्दा ५ करोड २३ लाख ५८ हजार बेरुजु देखिएको छ । कुस्माको बेरुजु प्रतिशत ३ दशमलब २० प्रतिशत देखिएको छ ।
त्यसैगरी फलेवास नगरपालिकामा १ अर्ब ३४ करोड १८ लाख ३८ हजारको लेखापरीक्षण गर्दा १ करोड ४५ लाख २२ हजार बेरुजु देखिएको छ । फलेबासको बेरुजु प्रतिशत १ दशमलब ०८ प्रतिशत छ ।


पर्वतमा सबैभन्दा कम बेरुजु पैयुँ गाउँपालिकामा रहेको छ । पैंयुमा ६६ करोड ६९ लाख ४५ हजार रुपैयाको लेखापरिक्षण गर्दा २१ लाख १२ हजार मात्र बेरुजु देखिएको छ । पैंयुको बेरुजु प्रतिशत ० दशमलब ३२ प्रतिशत छ। पर्वतमा पैंयु पछि मोदी गाउँपालिकामा कम बेरुजु देखिएको छ । मोदीमा १ अर्ब ३ करोड १९ लाख ९१ हजारको लेखा परिक्षण गर्दा ३८ लख ९३ हजार बेरुजु देखिएको छ । मोदीको बेरुजु ० दशमलब ३८ प्रतिशत छ । महाशिला गाउँपालिकामा बेरुजुको प्रतिशत ० दशमलब ४८ प्रतिशत छ । महाशिलामा ६२ करोड ३० लाख ६ हजारको लेखापरिक्षण गर्दा २९ लाख ८४ हजार बेरुजु देखिएको हो ।


यस्तै पर्वतमा बिहादी गाउँपालिकाको बेरुजु प्रतिशत २ दशमलब १२ प्रतिशत छ । बिहादीमा ५५ करोड ६९ लाख ९२ हजार रुपैयाको लेखापरिक्षण गर्दा १ करोड १७ लाख ९६ हजार बेरुजु देखिएको छ । यस्तै जलजला गाउँपालिकामा १ दशमलब ०६ प्रतिशत बेरुजु देखिएको छ । जलजलामा ९३ करोड ६८ लाख ४६ हजार रुपैयाको लेखापरिक्षण गर्दा ९९ लाख २६ हजार बेरुजु देखिएको छ ।


महालेखापरीक्षकले सार्वजनिक गरेको प्रतिवेदनमा जिल्लाका सम्पूर्ण पालिकाहरुमा गत आर्थिक बर्षको तुलनामा बेरुजु घटेको देखिएको छ । देशभरका स्थानिय तहको औषत बेरुजु प्रतिशत ५ रहेको छ ।नेपाल समाचारपत्र दैनिकले समाचार छापेको छ।

 

सम्बन्धित समाचार

Comments are closed

भर्खरै view all

साफ च्याम्पियनसिपको उपविजेता नेपाली टोलीलाई पर्वतको कुस्मा नगरपालिकाको २ लाख पुरस्कार

गोरखामा केन्द्र भएर भूकम्पको धक्का

केही दिन मौसम बदली हुने: वर्षा, चट्याङ र हिमपातको सम्भावना- दुई दिनको मौसम पूर्वानुमान सहित

चेन्नाइले चौथो पटक जित्यो आईपीएलको उपाधि

मध्यपहाडी राजमार्गको पोखरा– याम्दी खण्ड – ९५ प्रतिशत काम सकियो