बचाउँन गुहार्दा गुहार्दै गयो सुजिताको प्राण-‘सुजिताले निर्मलाको नियति भोग्न नपरोस्’

चितवन । असार ११ गते एकाबिहानै सुजिता ‘भेटघाटका लागि साथीको जान्छु’ भन्दै घरबाट निस्किइन् । फर्केर तरकारी ल्याउने भन्दै निस्किएकी सुजिता निकैबेरसम्म घर आइनन् ।

 

दिउँसोको १२ बजेसम्म घर नफर्किएपछि सुजिताको खोजी भयो । साथीको गएको र उतै खाना खाएर बसेको हुनसक्ने अनुमान भएकाले त्यतिन्जेल परिवारका सदस्यले सुजिताको खोजी गरेनन् ।

त्योबीचमा आमा अम्बिकाको मोबाइलमा सुजिताले ५–६ पटक नै फोन गरेकी रहिछन् । अम्बिका रोपाइँको तयारीका लागि खेतमा गएकी थिइन् ।

दिदी कविताले आमाको मोबाइल हेरेपछि सुजिताले पटक–पटक फोन गरेको थाहा पाइन् र कलब्याक गरिन् । फोन उठ्यो । कुनै गाडीभित्र बसेका तीनचार जना मान्छेले कसैलाई सौराहाको लोकेशन सोधे । अनि, कविताले सुनिन्, ‘बँचाउनुस्’ भन्दै चिच्याइरहेकी सुजिताको आवाज ।

कविता डराइन् । उनले सहजै अनुमान गरिन् कि बहिनीलाई कसैले अपहरण गर्यो । त्यसलगत्तै उनले प्रहरीमा खबर गरिन् । तर प्रहरीले राम्रो रेस्पोन्स गरेन । ‘अपहरणमा परेको मान्छेले फोन गर्दैन’ भन्दै प्रहरी पन्छन खोज्यो ।

निकै अनुरोधपछि प्रहरीले उजुरी लियो । उजुरीपछि सुजिताको मोबाइल लोकशन खोज्दा चितवनको कुमरोज जंगलतिर देखायो । तर प्रहरीले लोकेशन देखाएको ठाउँतिर खोज्नै मानेन । ‘हामीले जंगलतिर खोजी गरिदिन प्रहरीलाई निकै अनुरोध गर्यौं, तर मानेन’ अम्बिकाले निन्याउरो अनुहार पार्दै भनिन् ।

१० दिनसम्म बेपत्ता भएकी सुजिता भेटिने आश जिवितै थियो, परिवारजनमा । तर आइतबार गाउँभन्दा चार किलोमिटर परको जंगलमा सुजिताको शव भेटियो ।

साथीलाई भेटेर तरकारी लिन हिँडेकी २३ वर्षीया सुजिताको शव भेटिएसँगै परिवार र आफन्तसँगै गाउँ नै शोकाकुल भएको छ । आइतरबार जंगलमा च्याउ खोज्न गएका एक स्थानीयले चितवन राप्ती–३ प्रगतीपुरकी सुजिताको शव भेटेका हुन् ।

दिदी गीता वाग्लेसँग बस्दै आएकी उनी स्नातक तहको नतिजाको प्रतीक्षामा थिइन् । तर नतिजा आउनुभन्दा पहिल्यै उनको प्राण उड्यो ।

दोलखा चरिकोट लापिलाङबाट ०५४ सालतिर उनको परवार चितवन बसाई सरेको थियो । पढाईमा अब्बल सुजिताको मृत्युले परिवारसँगै उनका शिक्षक र संगीहरु पनि विक्षिप्त भएका छन् ।

कमजोर आर्थिकस्थितिका परिवारले खाइनखाइ छोरीलाई पढाएका थिए । तर, पढाइ सकिनै लाग्दा उनको हत्या भयो ।

सरल र शान्त स्वभावकी सुजिताको मृत्युलाई पत्याउनै नसकेको बताउँछन्, छिमेकी यतिन्द्र चौलागाइँ । परिवार, आफन्त, छिमेकी सबैले अहिले सुजिताको हत्यारा पत्ता लगाउँन हारगुहार गरिरहेका छन् ।

‘सुजितालाई नगुमाउनु थियो, गुमाइहाल्यौं’ सुजिताका आफन्त एवम् परिवार भन्छन्, ‘अब उनको हत्यारा पत्ता लगाएर कारवाही होस् । सुजिताको हत्या निर्मला पन्तको जस्तो सधैंका लागि रहस्यमयी नहाेओस् ।’नेपाल प्रेसबाट 

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

भर्खरै view all

संघीयता लागूपछि खारेजीमा परे दर्जन कार्यालय, करोडौंका संरचना बेवारिसे

गण्डकीको नयाँ मन्त्रिमण्डल : असमावेशी, असन्तुलित !

पर्वतमा ४ हजारभन्दा बढी निजी आवास पुनर्निर्माण

बधाई दिँदै विपक्षीले देउवामाथि कटाक्ष गरेपछि…

फेरि निषेधाज्ञा होला त ?