बेल्जियमलाई २–१ ले हराउँदै इटली सेमिफाइनलमा

काठमाडौं /फिफा वरियताको शीर्ष स्थानमा रहेको बेल्जियमलाई हराउँदै इटलीले युरोकप फुटबलको सेमिफाइनलमा स्थान बनाएको छ । निकै प्रतिस्पर्धात्मक रहेको खेलमा दुबै टिमले उच्च स्तरको प्रदर्शन गरेका थिए । बेल्जियमका तीनजना खेलाडीलाई डिबक्सभित्रै छक्याउँदै निकोलो बरेल्लाले गरेको प्रहारले खेलेको ३१ औं मिनेटमा जाली चुमेको थियो ।

खेलेको ४४ औं मिनेटमा इटलीले अग्रता दोब्बर पा¥यो । लोरेन्जो इन्सिग्नेले खेलको ४४ आंै मिनेटमा डिबक्स नजिकैबाट गरेको उत्कृष्ट प्रहार गोलमा परिणत भएको थियो ।

पहिलो हाफको अन्त्यमा जियोभानी डि लोरेन्जोले जेरेमी डोकुलाई फल गरेपछि बेल्जियमले पेनाल्टी प्रहारको मौका पाएको थियो, जसमा रोमेलु लुकाकुले गोल गर्दै खेललाई २–१ को अवस्थामा ल्याए ।

निकै प्रतिस्पर्धात्मक बनेको खेलको दोस्रो हाफमा दुबै टोलीले गोल गर्ने अवसरहरु सिर्जना गरेका थिए । तर, थप गोल हुन सकेन र इटली सेमिफाइनल पुग्यो ।

यस जितसँगै अन्तर्राष्ट्रिय फुटबलमा इटलीको अपराजित यात्रा ३२ औं खेलमा पुगेको छ, जसमध्ये पछिल्ला १३ खेलमा उसले लगातार जित हासिल गरेको छ । युरोकपको सेमिफाइनलमा अब इटलीले स्पेनको सामना गर्नेछ ।

सम्बन्धित समाचार

Comments are closed

भर्खरै view all

साफ च्याम्पियनसिपको उपविजेता नेपाली टोलीलाई पर्वतको कुस्मा नगरपालिकाको २ लाख पुरस्कार

गोरखामा केन्द्र भएर भूकम्पको धक्का

केही दिन मौसम बदली हुने: वर्षा, चट्याङ र हिमपातको सम्भावना- दुई दिनको मौसम पूर्वानुमान सहित

चेन्नाइले चौथो पटक जित्यो आईपीएलको उपाधि

मध्यपहाडी राजमार्गको पोखरा– याम्दी खण्ड – ९५ प्रतिशत काम सकियो