अपडेट – पर्वतको दुर्लुङको पहिरोमा पुरिएका ६ जनाको शब फेला, तीन जनाको खोजी जारी

पर्वत – पर्वतको कुस्मा नगरपापिलका वडा नं ३ दुर्लुङको ढकालबारी गएराती पहिरोमा पुरिएका ९ जना मध्ये ६ जनाको शव भेटिएको छ भने अझै तीन जना वेपत्ता रहेका छन् ।
घर भन्दा माथिवाट आएको पहिरोले दुई घर पुरिदा दुई परिवारका ९ जना पुरिएका हुन् । पहिरोमा पुरिएका मध्ये ५८ बर्षिय तुलबहादुर थापा, उनकी श्रीमती मीनकुमारी थापा र नातिनि विविशा थापा, दिपा थापा र तथा अर्को परिवारका कमला विक र प्रमिशा विकको शव भेटिएको हो ।
थप तीन जनाको खोजी कार्य भैरहेको प्रहरीले जनाएको छ । पहिरोमा पुरिएका सम्राट थापा, विवेक थापा र जेनिस विक को खोजी कार्य जारी रहेको प्रहरीले जनाएको छ ।
उनिहरुको खोजी कार्य जारी रहेको जिल्ल प्रहरी कार्यालय पर्वतका प्रहरी निरिक्षक बुद्धि सुवेदीले जानकारी दिए । घटना घटेको लगत्तैदेखि अहिलेसम्म नेपाल प्रहरी, नेपाली सेना, ससस्त्र प्रहरी र स्थानीय उद्दारमा खटिएका छन् ।
गएराती १ बजेसम्म खोजी गरेपनि वर्षा नरोकिएकाले समस्या भएपछि सुरक्षाकर्मि फर्किएको थियो । आज विहानवाट पुनः उद्धार कार्य शुरु भएको होमा तीन जनाको शब फला पार्न सफल भएको प्रहरीले जनाएको छ । तीन जनाको भने रातीनै शब भेटिएको थियो ।
शनिवार साँझ ६ बजे देखि झण्डै दुई घण्टा आएको मुसलधारे पानी पछि पहिरो गएको हो ।
पहिरोले उनिहरुका घरमा रहेका अन्य पशूचौपाया समेत मरेका छन् । स्थानीयका अनुसार झण्डै तीन सय मिटर भन्दा माथिवाट पहिरो आएको छ । वर्षाकै कारण पहिरो आएको हुनसक्ने स्थानीय प्रभु गुरुङले जानकारी दिए