पर्वतमा थपिएका १२ जना संक्रमितलाई कोरोना अस्पतालमा भर्ना गर्ने तयारी, अस्पतालमा बेड अभाब

पर्वत, जेठ ३०/ र पर्वत जिल्लामा शुक्रबार बिहान थप भएका १२ जना संक्रमितलाई अस्थायी कोरोना अस्पतालमा लैजाने तयारी गरिएको छ ।
संक्रमण पुष्टि भएका मध्ये एक जना मणिपाल शिक्षण अस्पतालमा उपचारका क्रममा रहेका कारण १२ जनालाई कुस्माको गुप्तेश्वर क्याम्पस स्थित अस्थायी कोरोना अस्पतालमा भर्ना गर्ने तयारी गरिएको हो । संक्रमित सबै कुस्माको पुलिङ क्वारेन्टाईनमा रहेका छन ।
गण्डकी प्रादेशिक जनस्वास्थ्य प्रयोगशाला पोखरामा गरिएको परिक्षणमा थप १३ जनामा संक्रमण पुष्टि भएको थियो । संक्रमित मध्ये कुस्मा नगरपालिकाका १९,२३,२९,३७,४५,२८,२० २८ बर्षका पुरुष र १ जना बर्ष नखुलेका पुरुष छन । यस्तै पैंयु गाउँपालिकाका २० बर्षिय पुरुष र बिहादी गाउँपालिकाका ३२ बर्षिय पुरुष रहेका छन । उनीहरुलाई अस्थायी कोरोना अस्पतालमा लैजाने तयारी भएको पर्वत अस्पतालका निमिक्त मेडिकल सुपरिटेण्डेन्ट डा. शिशिर देबकोटाले जानकारी दिनुभयो । अहिले क्वारेन्टाईनबाट पोजेटिभ देखिएकाहरुलाई छुट्याउने काम भैरहेको छ।
पर्वतमा कोरोना संक्रमितको संंख्या २२ पुगेको छ । यस अघि संक्रमण पुष्टि भएका फलेबास नगरपालिकाका ४ जना, बिहादी गाउँपालिकाका २ जना र माहाशिला गाउँपालिकाका ३ जनाको अस्थायी कोरोना अस्पतालमा उपचार भैरहेको छ । गुप्तेश्वर क्याम्पसमा यस अघि सञ्चालनमा आएको अस्थायी अस्पतालको क्षमता २० बेड मात्रै रहेको छ । ९ जना उपचारकै क्रममा रहेको र थप १२ जनामा संक्रमण देखिएकाले बेड अभाब छ । गुप्तेश्वरमा ८० बेडको थप आइसोलेसन तयार गर्न पर्वतका सबै पालिकाको खर्चमा काम भएपनि अझै तयार हुन सकेको छैन । दिउँसो सम्म बिरामी राख्न मिल्ने गरि तयार हुने कुस्माका स्वास्थ्य शाखाका अधिकृत यामनाथ शर्माले जानकारी दिनुभयो । शुक्रबार बिहान आएको रिर्पोट मध्ये कति जनाको परिक्षण भएको हो भन्ने बिबरण अझै आएको छ। बिबरण नआएका कारण नेगेटिभ देखिएकालाई सम्बन्धित पालिकाको आइसोलेसनमा पठाउन केही समय लाग्ने देखिएको छ।