पर्वतमा ४ जना कोरोना संक्रमित थपिए, संक्रमितको संख्या ९

पर्वत जेठ २२ / पर्वत जिल्लामा थप ४ जनामा कोरोना संक्रमण पुष्टि भएको छ ।
पर्वतको फलेबास नगरपालिकाका २ जना पुरुष र बिहादी गाउँपालिकाका २ जना पुरुषमा संक्रमण पुष्टि भएको हो । पर्वतमा संक्रमितको संख्या ९ पुगेको छ ।
गण्डकी प्रदेश स्वास्थ्य निर्देशनालयका अनुसार फलेबास नगरपालिकाका २१ बर्षिय २ जना पुरुषमा कोरोना संक्रमण देखिएको छ भने बिहादी गाउँपालिकाका २४ र २८ बर्षिय पुरुषमा कोरोना पोजेटिभ देखिएको छ । यस अघि फलेबास नगरपालिकाका २ जना र महाशिला गाउँपालिकाका ३ जनामा कोरोना संक्रमण पुष्टि भएको थियो । संक्रमित सबै भारतबाट आएर क्वारेन्टाईनमा बसेका हुन र उनीहरुको स्वास्थ्य अबस्था सामान्य रहेको पर्वत अस्प्तालले जनाएको छ ।