५ दिनमै निको भइन कोरोना संक्रमित गर्भवती महिला
May 31, 2020 | 1:59 pm
काठमाडौं, जेठ १८/ भरतपुर अस्पतालमा उपचाररत एक गर्भवती महिला ५ दिनमै निको भएकी छिन।
हेटौंडा उपमहानगरपालिका वडा नं. १ की ती २५ वर्षीय महिलामा गत जेठ १४ गते कोरोना पुष्टि भएको थियो।
पुष्टि भएको ५ दिनमै भरतपुर अस्पतालले आइतबार उनलाई डिस्चार्ज गरेको हो।
उनको शुक्रबार र शनिबार लिइएको स्वाव नमूनाको रिपोर्ट नेगेटिभ आएपछि डिस्चार्ज गरिएको अस्पतालका सुचना अधिकारी लिलाधर पौडेलले जानकारी दिए।
उनको स्वाव संकलन जेठ १० गते भएको थियो। ल्याबले ४ दिनपछिमात्रै उनको रिपोर्ट दिएको थियो।
पौडेलले इम्युनिटी पावर बलियो भएर या उनलाई पहिले नै कोरोना लागेर निको हुने चरणमा रहेकाले छिटो निको भएको हुनसक्ने अनुमान गरे।
