बाँकेमा एकैदिन ४७ जनामा कोरोना संक्रमण पुष्टि
नेपालगञ्ज, ५ जेठ । बाँकेमा थप ४७ जनामा कोरोना भाइरस (कोभिड-१९) को संक्रमण पुष्टि भएको छ । भेरी अस्पतालस्थित प्रयोगशालामा १९० जनाको परीक्षण गर्दा ४७ जनाको रिपोर्ट पोजेटिभ आएको छ ।
स्वास्थ्य तथा जनसंख्या मन्त्रालयका अनुसार ४६ जना पुरुष र एक महिला छन् ।
जसमा एक महिला र ४६ पुरुष रहेका छन् । जिल्लामा यसअघि नै ३४ जना संक्रमित देखिएकोमा यो सहित संक्रमितको संख्या ८१ पुगेको छ । आज थपिएका संक्रमितको २ दिनअघि (शनिबार) स्वाब लिइएको थियो ।
नरैनापुरको वडा नं. २ को आदर्श मावि लक्ष्मणपुरबाट ८७, वडा नं. ५ को दिपेन्द्र मावि, भोज भगवानपुरबाट ३९ (१ जना मृत्यु), वडा नं. ५ कै नेरा प्रावि, हुलासपुरबाट ७२ र वडा नं. ६ को जयकिसन मावि, भगवानपुरबाट ६५ जनाको स्वाब लिइएको थियो ।
यी बाहेक ११ जनाको आइतबार स्वाब लिइएको छ । ८ जना संक्रमितमध्ये २ जनाका परिवार ससुराली गएको पाइएपछि आफन्तको समेत स्वाब लिइएको थियो । अन्य विवरणबारे बुझ्ने क्रम जारी रहेको प्रदेश स्वास्थ्य निर्देशक डा.विनोद गिरीले जानकारी दिए ।
