पर्वतको कुश्मामा छाडा पशुपंक्षीको व्यवस्थापनका लागि गौशाला
May 9, 2020 | 6:36 am
पर्वत । कुश्मा नगरपालिका क्षेत्रमा रहेका छाडा पशुपंक्षीको व्यवस्थापनका लागि कुश्मा नगरपालिकाले गौशाला निर्माण गरेको छ ।
कुश्मा नगरपालकिा वडा नम्बर ७ को संयोजन तथा स्थानीयको जनश्रमदानमा गौशाला निर्माण गरिएको हो ।
नगरपालिकाको वडा नम्बर ७ को भण्डारी वनमा रहेको करिब १ सय ५० रोपनी क्षेत्रफलमा गौशाला निर्माण गरिएको वडाध्यक्ष सुवासचन्द्र पौडेलले जानकारी दिनुभयो ।
१ सय ५० रोपनी क्षेत्रमा पशुपंक्षीलाई चरन क्षेत्र र बस्नका लागि गोठ बनाइएको उहाँले जानकारी दिनुभयो ।
कुश्मा आसपासका क्षेत्रमा छाडा छोडिएका पशुपंक्षीले स्थानीयको बालीमा नोक्सानी गर्न थालेपछि तीनको व्यवस्थापनाका लागि गौशाला निर्माण गरिएको पौडेलको भनाई छ ।
