औषधी नखाइ कोरोना जितिन अन्सुले

बागलुङ, १२ बैशाख–/ कोरोना भाइरस (कोभिड–१९) संक्रमित नेपालकै पाँचौ बिरामी बागलुङकी १९ बर्षिय अन्शु सापकोटाले कुनै पनि औषधी नखाई कोरोना जितेर अहिले भरखरै डिस्चार्ज भएकी छिन ।

छैठौ रिपोर्ट नेगेटिभ आएसंगै उनी शुक्रबार राती डिस्चार्ज भएकी हुन् । युवतिलाई उनका पिताले वुझेका हुन् ।

धौलागिरी अञ्चल अस्पतालको आइसोलेसनमा उपचाररत कोरोना भाइरस (कोभिड–१९) संक्रमित १९ बर्षकी युवतीको छैठौं पटकको थ्रोड स्वाब परीक्षण रिपोर्ट पनि नेगेटिभ आएको छ । चौथोपटकसम्म रिपोर्ट पोजेटिभ आएकोले एक महिनादेखि अस्पतालको आइसोलेसन कक्षमा उपचाररत बागलुङ नगरपालिका–४ कुँडुलेकी ती युवतीको पाँचौ र छैठौं पटकको स्वाब रिपोर्ट नेगेटिभ आएको प्रादेशिक जनस्वास्थ्य प्रयोगशाला पोखराकी निमित्त निर्देशक सपना सुवेदीले ढोरपाटनलाई जानकारी दिइन् । नेपालको पाँचौ र बागलुङको पहिलो संक्रमित ती युवती निको भएकी हुन् ।