पर्वतमा ६८ जनाको थ्रोड स्वाब संकलन-सवैको नेगेटिभ
पर्वत, २ वैशाख। कोरोना भाइरस पत्ता लगाउने अवलम्बन गरिने थ्रोड स्वाबबाट संकलन गरिएका सवैको रिर्पोट नेगेटिभ देखिएको छ । पर्वत अस्पतालका प्रमुख डा शिशिर देवकोटाका अनुसार जिल्लामा हालसम्म ६८ जनाको स्वाब संकलन गरिएकोमा सवैका नतिजा नेगेटिभ आएको हो ।
यस अघि बागलुङमा थप एक महिलामा द्रुत परीक्षण (र्यापिड डाइगोनोस्टिक टेष्ट) गर्दा कोरोना संक्रमण पोजेटिभ देखिएपछि उनी संगै तीर्थयात्राबाट फर्किएका पर्वतका दुई बृद्धाको पनि थ्रोड स्वाब संकलन गरिएको थियो । कुश्मा नगरपालिका १ पाङका ति बुद्ध दम्पत्तिको पनि रिपोट नेगेटिभ देखिएको डा देवकोटा बताए । यस अघि बागुङकी महिलाको पनि थ्रोड स्वाबको रिर्पोट भने नेगेटिभ नै आएको थियो ।
६८ जना मध्ये १ जना बागलुङकी संक्रमीत युवतीसंगै कतारबाट आएका युवा थिए । बाँकी ६७ जना पर्वतकै बासिन्दा रहेका छन । उनीहरु सवै यो अवधिमा विदेशबाट पर्वत आएका हुन ।
यसैगरी पर्वत जिल्लामा विदेशबाट फर्किएकाहरु सवैको र्यापिड डाइगोनोस्टिक टेष्ट गरिएको छ । बिदेशबाट फर्किएका २ सय ४३ जनाको परिक्षण नेगेटिभ देखिएको डा. देवकोटाले जानकारी दिएका छन । जिल्लामा चैत्र महिना पछि विदेशबाट फर्किएका सवैको परिक्षण कार्य सकिएको स्वास्थ्य कार्यालय पर्वतले जनाएको छ ।
