लक डाउन उल्लंघन गर्ने १४ जना पक्राउ , सवारी साधन पनि नियन्त्रणमा

पर्वत / लक डाउन उल्लंघन गर्ने १४ जनालाई पर्वत प्रहरीले पक्राउ गरेको छ।
पर्वतको सदरमुकाम कुस्माबजार र आसपासको क्षेत्रबाट लक डाउन उल्लंघन गरेको आरोपमा बिहीबार १४ जना ब्यक्ति र केही सवारी साधन प्रहरीले नियन्त्रण गरेको हो ।
जिल्ला प्रहरी कार्यालय पर्वतले दिएको जानकारी अनुसार लक डाउनको अबधीमा बिना पास सञ्चालनमा आएका ७ वटा सवारी साधनको चापी पनि नियन्त्रणमा लिइएको छ। लक डाउन उल्लंघन गर्ने क्रम बढेपछि प्रहरीले सक्रियता नियन्त्रणमा लिन थालेको हो । सोमबार पनि ११ जनालाई नियन्त्रणमा लिएको छ ।
लक डाउनमा कडाई गर्दै जिल्ला कार्यालयले सोमबार सुचना प्रकाशित गर्दै सडकमा अनावश्यक रुपमा हिड्डुल नगर्न सचेत गराएको थियो । कार्यालयले लक डाउनको अबधीमा पनि बिहान र साँझ पख हिड्ने क्रम बढेकोले मर्निङ्ग र इभिनिङ्ग वाल्कमा समेत रोक लगाएको छ । दिउँसो र साँझ बिहान समेत सडकमा हिड्नेहरुलाई प्रहरीले पक्राउ गर्ने भएको छ ।
कार्यालयले बिदेशबाट चैत्र महिना यता आएका मानिसहरु पनि घरमै क्वारेन्टाईनमा नबसी छिमेक र गाउँघरमा हिड्डुल गरेको, भलिबल खेल्ने, समुह बनाएर एक्लै हिड्ने गरेको पाइएकोले नजिकको स्थानिय तह र प्रहरीलाई खबर गर्न अनुरोध समेत गरेकोे छ। यसरी हिडेको पाइएमा प्रचलित कानुन अनुसार काबार्ही गर्ने सुचनामा जनाइएको छ।
समाप्त चैत्र २६