पर्वतको खुर्कोटमा दिउँसै चितुवाको आक्रमण ७१ बर्षिय बृद्ध घाइते, सांसदद्धारा घाइतेको निःशुल्क उपचार गरिदिन अस्पताललाई आग्रह

पर्वत/पर्वतको कुस्मा नगरपालिका वडा नं २ खुर्कोटमा चितुवाको आक्रमणबाट एक जना बृद्ध घाइते हुनुभएको छ ।
कुस्मा नगरपालिका २ खुर्कोट तीन मुरे बस्ने ७१ बर्षिय बृद्ध शेषकान्त शर्मा चितुवाको आक्रमणबाट घाइते हुनुभएको हो ।
अस्पतालमा रहेका शर्मालाई भेटघाट गरी प्रतिनिधि सभाका सांसद पदम गिरीले घाइतेको निशुःल्क उपचारको ब्यवस्था मिलाउन अस्पताललाई आग्रह गरेका छन ।
घर नजिकैको वनमा घाँस काट्न गएको बेला मंगलबार दिउँसो बृद्ध शर्मालाई चितुवाले आक्रमण गरेको थियो । आक्रमणबाट हात लगायतका ठाउँमा चोट लागेको र आफुँ भिरबाट खसेपछि चितुवा भागेको घाइते शर्माले बताउनुभयो । घाइते शर्माको पर्वत जिल्ला अस्पतालमा उपचार भैरहेको छ । उहाँको अबस्था भने सामान्य नै रहेकोछ ।
एक साता देखि खुर्कोटकै छिमेकी कुस्मा नगरपालिका ३ दुर्लुङ्ग घोगेनीमा चितुवाले लगातार पशु चौपाय मारेपछि सर्वसाधरण त्रसित भैरहेका छन ।