युवतीले भनिन्- ‘छोरा र मलाई श्रीमानले २ लाख २० हजारमा बेचे’
June 11, 2018 | 7:17 am
भारतको बेंगलोरमा बेचिएकी दैलेखकी एक युवती र उनका छोराको उद्धार गरिएको छ।
आफ्नै श्रीमानबाट बेचिएकी १८ वर्षीया युवती र २ वर्षीय छोराको माइती पक्षको सहयोगमा प्रहरीले उद्धार गरेको खबर आजको अन्नपूर्ण पोष्ट दैनिकमा दैलेखबाट यज्ञराज थापाले लेखेका छन्।
उनीहरु दुई वर्षदेखि बेंगलोरमा बस्दै आएका थिए। चार महिनाअघि श्रीमानले आफू र छोरालाई २ लाख २० हजार भारतीय रुपैयाँमा कोठीमा बेचेको पीडित महिलाले बताएकी छन्।
उद्धार गरिएकी महिला र बालकलाई थप मनो परामर्श सेवा र अन्य सहयोगको लागि शक्ति समूह काठमाडौं पठाइएको बाल हेल्पलाईन, महिला तथा बालबालिका केन्द्र दैलेखका संयोजक रमा श्रेष्ठले बताइन्।
