यी हुन् नेकपाका ४४१ केन्द्रीय सदस्य , पर्वतबाट बिजय र गुप्त सदस्य बने(सुची सहित)
काठमाडौं ।नेपाल कम्युनिष्ट पार्टी ९नेकपा०ले ४४१ सदस्यीय केन्द्रीय कमिटीलाई पूर्णता दिएको छ ।
तत्काल बरिष्ठता मिलाउन नसकिएकाले बर्णानुक्रम अनुसार नेताहरुको नाम राखिएको हो ।
हिजो प्रधानमन्त्रीको सरकारी निवासमा बसेको पार्टी सचिवालयको पहिलो बैठकले तत्कालीन एमाले र माओवादी केन्द्रबाट मनोनीत केन्द्रीय सदस्यहरूको सिफारिसलाई अनुमोदन गरेको थियो ।
यो अनुमोदनसँगै पार्टीको ४४१ केन्द्रीय कमिटीले पूर्णता पाएको छ ।
उक्त नामलाई महासचिवले अन्तिम रुप दिएका छन् । पर्वतबाट केन्द्रिय समितिमा पुर्ब एमालेका केन्द्रिय सदस्य बिजय गुरु र माओबादी केन्द्रबाट पुर्ब पोलिटब्युरो सदस्य गुप्त हमाल केद्रिय समितिमा सदस्य बनेका छन । बिजय र गुप्त दुबै जना मोदीगाउँपालिका ७ राम्जाका बासिन्दा हुन । यस अघि एमालेका पोलिटब्युरो सदस्य रहेका गणेश तिमिल्सीना राष्टिय सभाको अध्यक्ष र माओबादीका पोलिटब्युरो सदस्य नेत्रनाथ अधिकारी प्रदेशसभामा सभामुख भएकाले केन्द्रिय समितिमा परेका छैनन ।
यी नाम औपचारिक रुपमा भने बाहिर आउन वाँकी छ ।
यसलाई आज नै सार्वजनिक गर्ने तयारी छ ।
४४१ सदस्यीय केन्द्रीय केन्द्रीय कमिटीमा तत्कालीन एमालेका तर्फबाट २४१ जना र तत्कालीन माओवादीका तर्फबाट २०० जना छन् ।
यस अघि एकीकृत पार्टीले ९ सदस्यीय सचिवालय बनाईसकेको छ ।
गत जेठ ३ गते एकता गरेका एमाले र माओवादीले महाधिवशेनसम्मका लागि भन्दै दुई अध्यक्षको व्यवस्था गरेका छन् ।
प्रधानमन्त्री केपी ओली र प्रचण्ड एकीकृत पार्टीका अध्यक्ष छन् ।
बिष्णु पौडेल महासचिव भएका छन् ।
यसबाहेक एकीकृत पार्टीलेसंगठन एकीकरणका लागि अन्तरिम विधानको अधीनमा रही नियमावली मस्यौदा गर्न महासचिव विष्णु पौडेलको संयोजकत्वमा कमिटी बनाएको छ ।
उक्त कमिटीमा पार्टीका नेताहरू देव गुरुङ, बेदुराम भुसाल र खिमलाल देवकोटा सदस्य छन् ।
सो पार्टीले सातवटा प्रदेश र विदेशका संगठन तथा कमिटीलाई एकीकरण गर्न पूर्व घटकका इन्चार्ज, संयोजक र सहसंयोजकहरू रहेको सुझाव कमिटी बनाउने निर्णय गरेको छ ।
यसबाहेक जनसंगठनको एकताको सुझाव दिन पूर्व घटकको इन्चार्ज र मोर्चा प्रमुख रहेको अर्को कार्यदल बनाउने निर्णय भएको छ ।
१५ दिनभित्र यी काम पुरा हुने जनाइएको छ ।
नेकपाको मूल राजनीतिक प्रतिवेदन र अन्तरिम विधान प्रकाशन गर्ने निर्णयसमेत गरेको छ ।
एमाले र माओवादी केन्द्रको यही जेठ ३ गते एकीकरण भएको थियो ।
यी हुन् नवगठित नेपाल कम्युनिष्ट पार्टीका ४४१ केन्द्रीय सदस्यहरुको सूची
