मकालु एयरको जहाज जुम्लामा दुर्घटनाग्रस्त, दुवै पाइलटको मृत्यु
May 16, 2018 | 11:35 am
काठमाडौं । बिहानदेखि बेपत्ता रहेको मकालु एयरको जहाज जुम्लामा दुर्घटनाग्रस्त अवस्थामा फेला परेको छ । जुम्लाको खार्पुनाथ गाउँपालिकामा जहाज दुर्घटनामा परेको प्रहरीले जनाएको छ ।
यसअघि विमानस्थलका महाप्रवन्धक राजकुमार क्षेत्रीले बाजुरामा फोर्स ल्याण्ड गर्नुपरेको बताएका थिए ।
दुर्घटनामा परेको जहाजका पाइलट किरण भट्टराई र को पाइलट आदित्य नेपालीको मृत्यु भएको छ । प्रहरीका अनुसार जहाज तीन टुक्रा परेको छ ।
सुर्खेत विमानस्थलबाट सिमिकोटका लागि उडेको मकालु एयरको एकल इन्जिनयुक्त जहाज सिमिकोट विमानस्थलदेखि ७.७ नटिकल माइल दक्षिणपूर्व खार्पुनाथ गाउँपालिकामा दुर्घटना हुँदा दुवै पाइलटको मृत्यु भएको विमानस्थल उद्दार समन्वय केन्द्रले जनाएको छ ।
