बिरेठाँटीबाट मुक्तिनाथ सम्मै केवलकारमा सरर….

पोखरा/मुक्तिनाथ दर्शन प्रालिले कास्कीको बिरेठाँटीदेखि मुक्तिनाथसम्म पुग्ने ८३ किलोमिटर लामो केबलकार निर्माणको लागि बिस्तृत अध्ययन गर्ने अनुमति पाएको छ । लगानी बोर्डको ३० औं बैठकले मुक्तिनाथ दर्शन प्रालीलाई यसको विस्तृत अध्ययन गर्ने अनुमति प्रदान गरेको हो ।

पाँच खण्डमा विभाजन गरेर यसको अध्ययन गर्न लागिएको छ । बिरेठाँटी-घोरेपानी-तातोपानी-जोमसोम-कागबेनी-मुक्तिनाथसम्म जाने केबलकार निर्माणका लागि ३४ अर्ब बराबरको लागत आँकलन गरिएको छ । सार्वजनिक निजी साझेदारी मोडलमा निर्माण गर्ने गरी यसको बिस्तृत सम्भाव्यता अध्ययन गर्न लागिएको हो ।

लगानी बोर्डका सीईओ महाप्रसाद अधिकारी भन्छन्, ‘यसको वास्तविक लागत डीपीआर निर्माण पछि मात्रै थाहा हुन्छ, अहिले मुक्तिनाथ दर्शन प्रालीलाई बिस्तृत निर्माणका लागि मात्रै अनुमति दिएका छौं ।’

एकैपटक बिरेठाँटीदेखि मुक्तिनाथसम्म केबलकारमा पुग्न सम्भव नभएकाले यसलाई विभिन्न भागमा बाँडेर अध्ययन अघि बढाउन लागिएको अधिकारी बताउँछन् । बिरेठाँटीदेखि मुक्तिनाथसम्म जाँदा बीचमा ४ स्थानमा यात्रु ओराल्ने र चढाउने गरिने छ ।

योभन्दा पहिले बिरेठाँटीदेखि मुक्तिनाथसम्म पुग्ने केबलकारको बारेमा कुनै अध्ययन भएको छैन । राज्यलाई कुनै पनि आर्थिक दायीत्व नपर्ने गरी यसको बिस्तृत अध्ययन गर्न लागेको अधिकारी बताउँछन् ।

सम्बन्धित समाचार

Comments are closed

भर्खरै view all

पोखरा—बाग्लुङ राजमार्गको याम्दीमा यातायात बन्द गरेर काम गरिने, यी हुन सवारी चलाउने बैकल्पिक रुट

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज