कालीण्डकी जलयात्रामा आन्तरिक पर्यटकको आकर्षण

फोटो फेसबुकबाट

पर्वत । जलयात्रा (र्‍याफ्टिङ)को सिजन शुरू भएसँगै कालीण्डकी नदीमा आन्तरिक पर्यटकको आकर्षण बढ्दै गएको छ । व्यावसायिक रूपमा मालढुङ्गाबाट नयाँ पुलसम्म जलयात्रा शुरू भएपछि आन्तरिक पर्यटकको आकर्षण बढेको हो ।

पर्वतको मोदीका ३ युवाले ७० लाखको लागतमा कालीगण्डकीमा व्यावसायिक जलयात्रा सञ्चालन गरेका छन् । जाडोयामको समाप्तिसँगै चैतको पहिलो सातादेखि नै जलयात्राका लागि पर्यटक आउन थालेका छन् । कालीगण्डकी नदीमा जलयात्रा सञ्चालन भएपछि पर्वतसहित बागलुङ, म्याग्दी, कास्की र स्याङ्जाबाट आन्तरिक पर्यटक आउने गरेको कालीगण्डकी क्याम्प र्‍याफ्टिङ कम्पनीका सञ्चालक होमबहादुर पुनले जानकारी दिए । यसअघि पोखराका र्‍याफ्टिङ कम्पनीले मात्र जलयात्रा गराउने गरेका थिए । पोखराका व्यवसायीको सिण्डिकेट तोड्दै आफूहरूले यो व्यवसाय शुरू गरेको पुनले बताए ।

लामो, समथर र कम बहाव भएकाले कालीगण्डकीलाई पर्यटकले रोज्ने गरेका छन् । कालीगण्डकी नदीमा अहिले दैनिक दुईदेखि १० समूहमा पर्यटक आउने गरेका छन् । लस्तीदेखी नयाँपुल र मालढुङ्गादेखि नयाँ पुलसम्म दुई गन्तव्यमा जलयात्रा सञ्चालन गरिएको छ । ‘स्वदेशी पर्यटकहरू खासै जलयात्रामा रुचि राख्दैनथे,’ सञ्चालक नवीन थापाले भने, ‘सस्तो मूल्यमा जलयात्रा शुरू भएपछि विदेशीभन्दा स्वदेशी पर्यटक बढी आउने गरेका छन् ।’ पोखरा हुँदै अन्नपूर्ण पदमार्गमा पदयात्रा र कालीगण्डकीको जलयात्रालाई प्याकेज बनाउने पर्यटक बढ्दै गएको व्यवसायी बताउँछन् ।आर्थिक अभियान दैनिकले समाचार छापेको छ ।

सम्बन्धित समाचार

Comments are closed

भर्खरै view all

पोखरा—बाग्लुङ राजमार्गको याम्दीमा यातायात बन्द गरेर काम गरिने, यी हुन सवारी चलाउने बैकल्पिक रुट

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज