पर्वतको मोदी गाउँपालिका ५ बाउसेमा बस दुर्घटना, २१ जना घाइते

 सुवास लामिछाने, पर्वत /पर्वतको मोदि गाउँपालिका–५ बाउसेमा आज साझ बस दुर्घटना हुँदा १९ जना घाइते भएका छन् । तिलाहारबाट बाजङु जादै गरेको यात्रु सवार ग १ ख ६२६९ नम्बरको बस साझ ४ः२० बजे दुर्घटनामा परेको हो । घाइते २१ जना मध्ये ९ जनाको जिल्ला अस्पताल पर्वतमा उपचार भइरहेको छ भने बाकि १२ जनाको पोखरा मनिपाल अस्पतालमा उपचारको लागि पठाईएको जिल्ला प्रहरी कार्यलय पर्बतले जनाएको छ । घाईते मध्ये धेरैजसोको टाउको र हातखुट्टामा चोट लागेकोे छ । भने घाईतेको अबस्था सामान्य रहेको छ ।
प्रहरीले दिएको जानकारी अनुसार गाडीमा ३५ जना यात्रु सवार थिए भने चालकले घुम्ती मोड्ने बेला दुर्घटना भएको अनुमान गरिएको छ । घाइते हुनेमा मोदि गाउँपालिका आसपासका यात्रुहरु रहेका छन् । गाडीका चालकलाई प्रहरी नियन्त्रणमा लिएर घटनाबारे अनुसन्धान गरिरहेको जिल्ला प्रहरी कार्यालय पर्वतका प्रमुख प्रहरी नायब उपरीक्षक दिलीप घिमिरेले जानकारी दिनुभयो ।