मदन भण्डारीको हत्या भएको हो : माधव नेपाल
April 24, 2018 | 4:17 pm
काठमाडौं–नेकपा एमालेका नेता माधव कुमार नेपालले मदन भण्डारीको दुर्घटनामा मृत्यु भएकाे नभई हत्या भएको बताएका छन् । भण्डारीकाे २०५० साल जेठ ३ गते चितवनकाे दासढुंगामा जीप दुर्घटनामा रहस्यमय मृत्यु भएकाे थियाे ।
मंगलबार राजधानीको सुविधानगरमा मदन भण्डारी स्मृति वाटिका र शालिक अनावरण कार्यक्रममा नेता नेपालले भण्डारीको हत्या भएकाे बताएपनि कसले गर्याे भन्ने बारे भने केहि खुलाएनन् ।
मदन भण्डारीको शालिक लक्ष्मण भुजेलले बनाएका हुन् । ३ रोपनी १३ आना क्षेत्रफलमा बाटिका फैलिएको संरक्षक अग्नी खरेलले बताए । वाटिका काठमाडौ महानगरपालिका र काठमाडौ नगर विसका प्राधिकरणको संयुक्त लगानीमा बनाइएको हो ।
