बागलुङको ढोरपाटन र डोल्पाको दुर्गममा टेलिकमको सेवा

काठमाडौं । नेपाल टेलिकमले बागलुङको ढोरपाटनमा बीटीएस टावर स्थापना गरेको छ । टावर स्थापनासँगै बागलुङको अति दुर्गम ग्रामीण भेगमा जीएसएम मोबाइल सेवा सञ्चालन हुने टेलिमकले जानकारी दिएको छ ।

टेलिकमले बागलुङको उत्तर पश्चिम भेगमा रहेको ढोरपाटनमा आइतवार थ्रीजी बीटीएस स्थापना जीएसएम मोबाइल सेवा सञ्चालनमा ल्याएको हो । माइक्रोवेभ प्रविधिमार्फत जीएसएम मोबाइल सेवा सञ्चालन गरिएको कम्पनीको भनाइ छ । टेलिकमका अनुसार ढोरपाटन नगरपालिका–९ मा स्थापित बीटीएसबाट ढोरपाटन उपत्यकाका सबै भू–भाग र बोबाङको केही भागमा थ्रीजी सेवा सञ्चालनमा आएको छ । उक्त स्थान बागलुङ सदरमुकामबाट १ सय २४ किलोमिटरको सडक दूरीमा र करीब ३ हजार २ सय मिटर उचाइमा छ ।

उक्त सेवाबाट त्यस स्थानका करीब ५ सय घरधुरी तथा सो क्षेत्रमा आउने पर्यटक लाभान्वित हुने कम्पनीको भनाइ छ । ढोरपाटन शिकार आरक्षको सुरक्षाका लागि समेत सो सेवाले सहयोग गर्ने टेलिकमको दाबी छ ।

त्यसैगरी, डोल्पाको दुर्गम ग्रामीण क्षेत्र धोमा कम्पनीले भी स्याट प्रविधिमार्फत जीएसएम मोबाइल सेवा उपलब्ध गराएको छ । डोल्पा बुद्ध गाउँपालिकामा स्थापित बीटीएसबाट त्यस स्थानका करीब २ हजार बासिन्दा तथा यस क्षेत्रमा आउने पर्यटक लाभान्वित हुनेछन् । यो दुनै सदरमुकामदेखि करीब तीन दिनको पैदल दूरीमा पर्छ ।

दुर्गम तथा अति विकट क्षेत्रका ग्रामीण तहसम्म दूरसञ्चार सेवाको पहुँच विस्तार गर्ने सरकारको नीतिअनुसार कम्पनीले सो क्षेत्रमा सेवा विस्तार गरेको टेलिकमकी प्रवक्ता प्रतिभा वैद्यले जानकारी दिइन् ।

सम्बन्धित समाचार

Comments are closed

भर्खरै view all

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज

जस्तोसुकै रोगको उपचार नेपालमै गर्ने व्यवस्था गर्छु : मन्त्री गिरी