पर्वतमा पहिलो प्रदेशस्तरीय खुल्ला ब्याडमिन्टन प्रतियोगिता हुने

पर्वत /पर्वत जिल्लामा प्रदेश नं ४ स्तरीय पहिलो खुल्ला ब्याडमिन्टन प्रतियोगिता आयोजना गरिने भएको छ ।

पर्वत ब्याडमिन्टन संघले नयाँ बर्षको उपलक्ष्यमा बैशाख १५ देखि १७ गते सम्म प्रदेशस्तरीय खुल्ला ब्याडमिन्टन प्रतियोगिता आयोजना गरेको हो । प्रदेशस्तरमा आयोजना गरिएको यो नै पहिलो प्रतियोगिता हो ।

प्रतियोगितामा मेन्स सिंगल तथा डबल, ४५ बर्ष माथिको राष्ट्रिय स्तरको भेट्रान्स , पर्वतस्तरीय जुनियर प्रतियोगिता आयोजना गरिएको छ । प्रतियोगितामा १ सय भन्दा बढीको सहभागिता रहने पर्वत ब्याडमिन्टन संघका अध्यक्ष प्रेमकुमार गुरुङ्गले जानकारी दिए । प्रतियोगितामा प्रदेश नं ४ का अतिरिक्त पाल्पा, रुपन्देही, नवलपरासी,चितवन र मकवानपुर जिल्लाका टिमले समेत सहभागिता जनाउने आयोजकले जनाएको छ ।


प्रतियोगितामा खुल्ला डबल्स तर्फ प्रथम हुनेले ४५ हजार, द्धितियले ३० हजार तथा तृतियले १५ हजार नगद र ट्रफी प्राप्त गर्नेछन भने पुरुष सिंगल तर्फ प्रथम हुनेले १० हजार, द्धितिय हुनेले ६ हजार र तृतियले ३ हजार नगद र ट्रफी पाउनेछन । यस्तै भेट्रान्स प्रतियोगितामा प्रथम हुनेले ४० हजार , द्धितियले २५ हजार र तृतियले १५ हजार नगद र ट्रफी प्राप्त गर्नेछन । पर्वतका खेलाडीले मात्र भाग लिने जुनियर डबल्स तर्फ प्रथम हुनेले २०, द्धितियले १२ हजार र तृतियले ६ हजार नगद प्राप्त गर्नेछन ।


आयोजकका अनुसार प्रतियोगिता उद्घाटनका क्रममा ४० बर्ष माथिको हाफ म्याराथन समेत आयोजना गरिएको छ । स्वास्थ्यका लागि खेलकुद आवश्यक छ भनेर कुस्मा नगरपालिकाको अर्मादी देखि छमर्के स्थित ब्याडमिन्टन कर्भडहल सम्म म्यारथन आयोजना गरिएको अध्यक्ष गुरुङ्गले बताए । प्रतियोगितामा प्रथम हुने ४ हजार, द्धितियले ३ र तृतियले २ हजार पुरस्कार पाउनेछन ।

सम्बन्धित समाचार

Comments are closed

भर्खरै view all

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज

जस्तोसुकै रोगको उपचार नेपालमै गर्ने व्यवस्था गर्छु : मन्त्री गिरी