राम रहीमको खर्बौंको सम्पत्तिको हकदार एक युवती, को हुन् उनी ?

भारतीय डेरा सच्चा सौदाका प्रमुख राम रहीम सिंह बलात्कारको मुदामा दोषी ठहर भएसँगै २० वर्षको जेल सजाय भएको छ ।

खबौं रुपैयाँका मालिक रहेका राम रहीमको अवको वारिसको हो भन्ने चर्चा शुरु भएको छ । उनका एक छोरा र दुई छोरी छन् । तर उनको सम्पत्तिको मुख्य दाबेदारको रुपमा भने उनले केही वर्ष अघि छोरीको रुपमा अपनाएका हनीप्रीत सिंहलाई लिइएको छ ।

हनीप्रित रामरहिमको यति नजिक छिन् की रामरहिमका आफ्ना छोरा छोरी भन्दा उनी धेरै समय सँगै हुन्छिन् ।
तर, हनीप्रीतका श्रीमनले भने रामरहिम र हनीकाबीचमा नाजायज सम्बन्ध रहेको थियो । उनले उनीहरुको सम्बन्ध आफैले देखेको भन्दै सानो भिडियो क्लिप्ससमेत सार्वजनिक गरेका छन् ।

कति छ सम्पत्ति

खर्बौं रुपैयाँका मालिक राम रहीमको जिन्दगी एकदमै रंगीन छ । राम रहीमले पाँचवटा फिल्म बनाएका छन् र त्यसमा उनी आफैं नायक र निर्देशक हुन् ।

मिडिया रिपोर्टका अनुसार उनका पाँच फिल्मले ८० करोड रुपैयाँभन्दा बढीको कारोबार गरेका छन् ।
राम रहीमको पूरा नाम सन्त डाक्टर राम रहीम सिंहजी इन्सा हो । राजस्थानको श्रीगंगानगरमा राम रहीमको जन्म १५ अगस्ट १९६७ मा भएको थियो ।

उनको डेरा सच्चा सौदा नामक धार्मिक संगठन छ । उनका करीब पाँच करोड समर्थक रहेको बताइन्छ ।
डेरा सच्चा सौदाले राम रहीमको ५०औं जन्मदिनलाई गोल्डेन जुबलीका रूपमा मनायो । उक्त समारोहमा एक करोड मानिस आएका थिए ।

त्यतिखेर ५१ क्विन्टलको केक काटिएको थियो हरियाणाको सिरसामा डेरा सच्चा सौदाको मुख्य कार्यालय छ । दुई किलोमिटर क्षेत्रमा फैलिएको छ यो ।

भारतभरि डेराका ४६ वटा आश्रम अनि अमेरिका, क्यानाडा, अस्ट्रेलिया र युएइमा शाखाहरू छन् ।
आश्रम परिसरमा भक्तहरूका लागि एमएसजी होटेल र कशिश होटेल छन् । सिरसामा एउटा मार्केट कम्प्लेक्स पनि छ जहाँ रहेका सबै पसलको नाम सचबाट शुरु हुन्छ ।

सूत्रहरूका अनुसार डेरा सच्चा सौदासँग ३०० करोड रुपैयाँभन्दा बढीको सम्पत्ति छ । यो त देखिएको सम्पत्ति मात्र हो । नदेखिएको सम्पत्ति त हजारौं करोड रुपैयाँको भएको बताइन्छ ।

आश्रममा एउटा गुफा बनाएर राम रहीम बस्ने गरेको थाहा लागेको छ । त्यहाँ उनका खास सेवकहरू मात्र जान पाउँछन् । गुफामा महिला सेवादारले पहरा दिन्थे ।

यही गुफामा राम रहीमले साध्वी भक्तहरूलाई बोलाएर बलात्कार गर्ने गरेका रहेछन् । बलात्कृत महिलाले मुद्दा हालेपछि अहिले राम रहीम दण्डित भएका हुन् ।

राम रहीम आफूलाई धर्मप्रचारक मान्छन् तर ग्ल्यामरको संसारमा रुचि राख्छन् । फिल्मको हिरो बन्ने बाल्यकालीन इच्छा राम रहीमले पूरा गरे । मेसेन्जर अफ गड नामक फिल्ममा उनले सुपर बाबाको भूमिका निर्वाह गरेर एक्लै लागूऔषध व्यापारी र वेश्यावृत्तिविरुद्ध लडेको देखाउँछन् ।

राम रहीमको जीवनशैली अत्यन्तै खर्चिलो छ । कारहरू पनि उनको प्रशस्तै छन् । कार कतै रोकिँदा भक्तहरू कारलाई टेन्टले ढाकेर सुरक्षा गर्छन् ।

सम्बन्धित समाचार

Comments are closed

भर्खरै view all

१७ दिनमै देखिइसक्यो देउवाको १७ महिनाको सङ्केत

भारतमा एकै दिन थपिए ४० हजार ७८४ जना कोरोना संक्रमित

फलेबास नगरपालिकाको केन्द्र बिबादमा सर्वोच्च अदालतको अन्तरिम आदेश खारेज , नगरपालिकाले झकलक चौरमा संरचना निर्माण गर्न बाटो खुल्यो

स्थानीय तहको अधिवेशन असोज ९ भित्र सक्न एमालेको निर्देशन

तुइन तार्ने कल्याणसिंह धामी भन्छन्, ‘जयसिंह भेलमा बगेपछि एसएसबीका सुरक्षाकर्मी भागे’