ललितपुरकी महिलाले किन गरिन पर्वतका भुसालको हत्या ?

megnath-bhusalपर्वत । पर्वतको फलेवास नगरपालिका ४ साविकको मुडिकुवा ६ सिर्सुवाका मेघराज भुसालको काठमाण्डौमा हत्या भएको छ । भुसालको यूवतीको प्रयोग गरि हत्या भएको हो । राजधानीमा एक एयरलाईन्समा जागिरे रहेका भुसालले लगानी गरेको कृषि फर्ममा काम गर्ने कामदारले हत्या गरेकी हुन् ।

ललितपुरको साविकको गिल्मी गाविसकी ४२ वर्षिय कान्छिमाया भनिने फुलमाया तामाङले भुसाललाई कोखामा छुरीले हानेर हत्या गरेकी हुन् । उनी आफैँ हत्या गरेको भन्दै प्रहरी कार्यालय भैसेपाटिमा पु्गेकी थिईन ।  प्रारम्भिक वयानमा तामाङले आफुलाई वलात्कारको प्रयास भएकोले प्रतिकार गर्दा भुसालको मृत्यु भएको प्रहरीलाई वयान दिएको हत्याको विषयमा अनुसन्धान गरिरहेका प्रहरी नायव उपरिक्षक श्याकुमार राईले जानकारी दिए ।

प्रहरीले तामाङलाई ५ दिनको म्याद थपेर अनुसन्धान गरिरहेको छ । प्रहरीले वयान लिने क्रममा कान्छिमायाका श्रीमान लाई पनि नियन्त्रणमा लिएको छ । भुसालले अन्य तिनजना संग शेयर गरेर कृषि फर्ममा लगानी गरेका थिए । वलात्कारको वहानामा लगानीकर्ताहरुले षडयन्त्रपूर्वक भुसालको हत्या गरेको आफन्तजनले आरोप लगाएका छन् । महिलाको प्रयोग गरेर लगानी गर्ने सहपाठीले नै उनको हत्या गरेको भन्दै प्रहरीलाई अनुसन्धानको दायरा फराकिलो वनाउन आफन्तहरुले दवाव दिएका छन् ।

महिलाले वलात्कारको प्रयास भएको खण्डमा हत्या गरेपनि कारवाहि छुट हुने मुलुकी ऐनमा व्यवस्था रहेको छ । त्यहि व्यवस्थाको फाईदा उठाउन महिलाको प्रयोग गरिएको आफन्तजनको दावी रहेको छ ।  साउन १८ गते विहान ११ .३० मा हत्या भएको मेघराज भुसालको साउन २० गते आर्यघाटमा अन्तेष्टि गरिएको छ । ज्वार्इँको हत्याको दुखद खबरले उहाँका ससुरा पर्वतको पिपलटारीका मुक्तिराम पौडेलको पनि मृत्यु भएको छ । मृत्युको खबर सुनेपछि क्यान्स रोगले ग्रसित रहेका पौडेलको अकस्मात मृत्यु भएको हो ।

४१ वर्षिया भुसालका वुवा, आमा, एक श्रीमती हुनहुन्छ । श्रीमती विदुत प्राधिकरणमा अधिकृत पदमा कार्यरत छिन् । उनका ११ वर्षको छोरी, १० महिनाको छोरा छन् ।

सम्बन्धित समाचार

Comments are closed

भर्खरै view all

१७ दिनमै देखिइसक्यो देउवाको १७ महिनाको सङ्केत

भारतमा एकै दिन थपिए ४० हजार ७८४ जना कोरोना संक्रमित

फलेबास नगरपालिकाको केन्द्र बिबादमा सर्वोच्च अदालतको अन्तरिम आदेश खारेज , नगरपालिकाले झकलक चौरमा संरचना निर्माण गर्न बाटो खुल्यो

स्थानीय तहको अधिवेशन असोज ९ भित्र सक्न एमालेको निर्देशन

तुइन तार्ने कल्याणसिंह धामी भन्छन्, ‘जयसिंह भेलमा बगेपछि एसएसबीका सुरक्षाकर्मी भागे’