चीनले भारतलाई भन्यो, शान्ति चाहन्छौ भने सेना फिर्ता बोलाऊ

काठमाडौं,भारतले मुखले बोलेर हैन, व्यवहारले देखाएर सीमाक्षेत्रमा शान्ति कायम गर्नुपर्ने चीनले बताएको छ ।


डोक्लाम क्षेत्रमा ४८ भारतीय सैनिक रहेका अनि उनीहरूलाई ठूलो संख्याका टुकडीहरूले सहयोग गरी चीनलाई आफ्नै क्षेत्रमा सडक बनाउन नदिएको चीनले दाबी गरेको छ ।

‘भारतीय पक्षले साँच्चै शान्ति चाहन्छ भने चीनको भूमिमा पसेका सैनिकलाई तत्कालै आफ्नो भूमितर्फ बोलाउनुपर्छ,’ चिनियाँ विदेशमन्त्रालयका प्रवक्ता गेङ शुआङले बताए ।

एउटा वक्तव्य जारी गर्दै गेङले भारतले गैरजिम्मेवारीपन र हतारो देखाएको बताए ।

उनले भने, ‘बुधवारसम्म डोक्लाममा ४८ भारतीय सैनिक र एउटा बुलडोजर थिए र यो चिनियाँ भूमिमा अवैध अतिक्रमण हो ।’

भारत चाहिँ उक्त क्षेत्र भुटानको भएको बताउँछ ।

‘भारतीय सीमामा तैनाथ सिपाहीहरू चिनियाँ भूमिमा अवैध रूपमा बसिरहेका छन् । अझ, भारतीय पक्षले सडक बनाउने, सामान थुपार्ने र भारतीय भूमिमा ठूलो संख्यामा सशस्त्र बल तैनाथ गर्ने गरिरहेको छ । यो शान्तिको लागि पक्कै होइन,’ विदेश मन्त्रालयको वक्तव्यमा भनिएको छ ।

गेङले चाहिँ आफ्नो भूमिमा सडक बनाउनु सामान्य गतिविधि भएको र यो पूरै वैध र कानूनसम्मत भएको बताए ।

एजेन्सी

सम्बन्धित समाचार

Comments are closed

भर्खरै view all

१७ दिनमै देखिइसक्यो देउवाको १७ महिनाको सङ्केत

भारतमा एकै दिन थपिए ४० हजार ७८४ जना कोरोना संक्रमित

फलेबास नगरपालिकाको केन्द्र बिबादमा सर्वोच्च अदालतको अन्तरिम आदेश खारेज , नगरपालिकाले झकलक चौरमा संरचना निर्माण गर्न बाटो खुल्यो

स्थानीय तहको अधिवेशन असोज ९ भित्र सक्न एमालेको निर्देशन

तुइन तार्ने कल्याणसिंह धामी भन्छन्, ‘जयसिंह भेलमा बगेपछि एसएसबीका सुरक्षाकर्मी भागे’