शिक्षक नारायण पौडेलको ‘हत्या’ मुद्दाका आरोपीहरु धरौटीमा रिहा

narayan paudel
पर्वत /पर्वतको कुस्मा नगरपालिका –९ कटुवाचौपारी स्थित आइबल एकेडेमीमा कार्यरत शिक्षक नारायण पौडेलको रहस्यमय मृत्युको आरोपमा छानबिनका लागि पक्राउ परेका अभियुक्तहरु धरौटीमा रिहा भएका छन ।

शिक्षक पौडेलको हत्या अभियोगमा छानबिनका लागि प्रहरीले नियन्त्रणमा राखेका ५ जना अभियुक्तहरु बागलुङ्ग जिल्ला अदालतको आदेशमा बुधबार धरौटीमा रिहा भएका हुन ।
धरौटीमा रिहा हुनेमा पर्वतको कुस्मा नगरपालिका वडा नं ९ का चन्द्रमान श्रेष्ठ, देउकुमार श्रेष्ठ, जयनारायण श्रेष्ठ, वडा नं १० घर भई बिद्यालयका प्रिन्सीपल बिमल पौडेल र सोही ठाउँ घर भै बिद्यालयमा कार्यरत कार्यालय सहयोगी मञ्जु पुरी रहेका छन ।

अदालतले पुरीलाई १० हजार र अन्य अभियुक्तहरुलाई जनही १, १ लाख धरौटीमा रिहा गरेको हो । अदालतले मुलुकी ऐनको ज्यान सम्बन्धी महलको १३(३) अनुसार धरौटीमा रिहा गरेको अदालतले जानकारी दिएको छ ।

पर्वतको कुस्मा नगरपालिका –१ पाङ्ग घर भएका शिक्षक पौडेल गत जेठ २५ गतेदेखि बेपत्ता बनेका थिए । उनको शब १५ दिन पछि वाग्लुङ जिल्लाको जैमुनि गाउँपालिका ८, बेलवगर स्थित कालिगण्डकी नदी किनारमा फेला परेको थियो । मृतक पौडेलको पोष्टमार्टम रिपोर्टमा घाँटीमा जोडपूर्वक लागेको धारिलो बस्तुको चोटबाट मृत्यू भएको उल्लेख थियो । प्रहरी अनुसन्धानका क्रममा हत्या भएको घटनास्थल र पात्र फेला पार्न नसकेको देखिएको छ ।
पर्वत प्रहरीले लामो छानबिनबाट पर्वतमा घटना घटेको कुनै प्रमाण फेला पार्न नसकेको भन्दै लास भेटिएको स्थल बागलुङ्गमा नै अनुसन्धान गर्न मिसिल बागलुङ्ग पठाएको थियो । पौडेलको शव वाग्लुङ जिल्लामा भेटिएकोले अनुसन्धानका लागि पठाएपनि बागलुङ्ग प्रहरी पनि घटनाको सफल अनुसन्धान गर्नबाट चुकेको आरोप आफन्तले लगाएका छन ।

सम्बन्धित समाचार

Comments are closed

भर्खरै view all

१७ दिनमै देखिइसक्यो देउवाको १७ महिनाको सङ्केत

भारतमा एकै दिन थपिए ४० हजार ७८४ जना कोरोना संक्रमित

फलेबास नगरपालिकाको केन्द्र बिबादमा सर्वोच्च अदालतको अन्तरिम आदेश खारेज , नगरपालिकाले झकलक चौरमा संरचना निर्माण गर्न बाटो खुल्यो

स्थानीय तहको अधिवेशन असोज ९ भित्र सक्न एमालेको निर्देशन

तुइन तार्ने कल्याणसिंह धामी भन्छन्, ‘जयसिंह भेलमा बगेपछि एसएसबीका सुरक्षाकर्मी भागे’