राजतन्त्र फर्काउन बैंककमा गोप्य बैठक

Himani-Shaha.JPG-aaकाठमाडौं /स्थानीय चुनाव गर्ने भन्दै कांग्रेस, एमाले र माओवादीहरू मैदानमा खटिन थालेका छन् । चुनाव यसरी घोषणा गर्ने र उसरी घोषणा गर्ने भन्दैै रस्साकसी पनि गर्न थालेका छन् ।

तर, आफूले नेपाली राजनीतिको रिमोट कन्ट्रोल समातेर बसेको ठान्ने भारत भने आफ्नो समर्थनबिना कुनै पनि हालतमा नेपालमा कुनै पनि चुनाव हुन नसक्ने भन्दैछ । नयाँ दिल्लीस्थित साँघु स्रोतले साउथ ब्लक निकटहरूसंग सम्पर्क गर्दा उनीहरू भन्छन्, ‘चुनाव घोषणा भएपनि जनताले लाइन लागेर भोट हाल्न सक्ने छैनन् । किनभने त्यस्तो चुनाव हुन नदिन हामी तत्पर छौँ ।’ साँघु साप्ताहिकले समाचार छापेको छ ।

कतिपयले अहिलेको संविधान संशोधन विधेयक भारतको माग हो भनिरहेका छन् तर नयाँ दिल्ली स्रोत भन्छन् – यो संविधान संशोधनसँग नयाँल्लीको खासै लेनदेन छैन, यो त परीक्षणका लागि फालिएको एउटा तुरुप मात्र हो । के हो त नयाँ दिल्लीको चाहना ? बुझिए अनुसार, समग्र मधेसलाई एउटै प्रदेश या दुईटा प्रदेश बनाउने, पहाडी क्षेत्रका लागि भारतसँगको सम्पर्कका लागि चितवन जिल्लाको सानो भौगोलिक करिडोर दिने काम गरिएमा मात्र नयाँ दिल्लीको दिलखुस हुन्छ । नयाँ दिल्लको दिलखुस त हुन्छ तर दिल्लीको चाहना यतिमा सीमित छैन ।

नयाँदिल्ली खासगरी भारतीय जनता पार्टीको नेतृत्वको नरेन्द्र मोदी सरकारले नेपालका प्रमुख दल, प्रमुख नेतासँग स्पष्टैसँग हिन्दूराज्य घोषणाको माग गरिरहेको छ । जानकारहरू भन्छन्– प्रधानमन्त्री प्रचण्ड र शेरबहादुर देउवालाई विशेष दूतहरूले खुलेरै नेपाल हिन्दू राज्य हुनुपर्छ भनिसकेका छन् ।

यस्तो माग कांग्रेस सभापति शेरबहादुर देउवासहित विभिन्न नेताहरूको कानमा पुगाइएको छ । देउवा,महामन्त्री शशांक कोइराला हिन्दू राज्यप्रति सकारात्मक भएको बुझिन्छ तर त्यस्तो घोषणामा पुग्न अहिलेको राजनीतिक संरचना र संविधान भत्काउन नहुने उनको धारणा छ ।
चुनाव नहुने र यो संविधान पनि धेरै दिन नटिक्ने बन्दोवस्त विभिन्न शक्तिहरूले मिलाउँदै गइरहेको बेला अर्को एउटा शक्ति भयंकर क्रियाशील हुन थालेको छ ।

ती शक्ति हुन् – पूर्वमहाराजा ज्ञानेन्द्र शाह । शक्तिविहीन बने पनि उनी अनेक कारणले शक्तिकै रुपमा रहिरहेका छन् । उनी एकखाले शक्ति हुन भन्ने मुख्य आधार हो – उनीसँग देशका स्थपित राजनीतिक शक्तिहरू डराउँछन् । आजकाल ज्ञानेन्द्र शाह चलेखेल पनि निकै चर्को छ । नयाँदिल्ल र थाइल्यषण्ड मात्र धाउने गरेका ज्ञानेन्द्र शाह तीन महिनाअघि बेइजिङ पुगेका थिए । यता नेपालमा चुनाव नहुने बातावरण बनाइँदै गर्दा उता ज्ञानेन्द्र शाहको उत्साह पनि बढ्दै गएको छ ।

उनी बुहारी हिमानीसहितको टोली लिएर २०७३ माघ २० गते थाइल्यान्ड गएका छन् । माघ २० गते बैंककतर्फ लागेका पूर्व महाराजा ज्ञानेन्द्रले काठमाडौंमा नेपाली कांग्रेसलगायत भारतीय र चिनियाँ विशेष प्रतिनिधीसँग राजनीतिक भेटघाट गरेको पनि थाहा भएको छ । बुहारी हिमानी शाह र निजी सचिव सागर तिमल्सिनासहित बैंकक पुगेको पूर्वराजा ज्ञानेन्द्र त्यहाँ चिनियाँ कूटनीतिक भेटघाटमा ब्यस्त रहेको बैंककस्थित साँघु स्रोतले जनाएको छ ।

सम्बन्धित समाचार

Comments are closed

भर्खरै view all

एमालेमा विधान संशोधनसम्बन्धी प्रस्ताव :उमेर हद ७० वर्ष कायमै, पदाधिकारी महाधिवेशनबाटै निर्वाचित

पर्वतका कुल आचार्यद्वारा गृह जिल्लावाटै एनआरएनएको अध्यक्ष पदमा उमेदवारी घोषणा

दोहोरी गीत प्रतिष्ठान पर्वतको सम्मान तथा साधारण सभा सम्पन्न

म्याग्दीका गाउँगाउँमा ‘सेतो पुतली झुस’: आँखाको ज्योति गुमाउँदै स्थानीय, कसरी हुन्छ सङ्क्रमण ?

अनेरास्ववियू क्रान्तिकारी पर्वतको अध्यक्षमा साजन परियार