प्रचण्ड सरकारलाई अर्को धक्काः कमल थापा र विजय गच्छदारद्धारा प्रचण्डको प्रस्ताव अस्वीकार

काठमाडौं । प्रतिपक्ष दल नेकपा एमालेले सडक र सदनमा आन्दोलन चर्काइरहेका बेला प्रधानमन्त्री पुष्पकमल दाहाल ‘प्रचण्ड’ले सरकारमा सहभागी हुन गरेको प्रस्तावलाई राष्ट्रिय प्रजातन्त्र पार्टी र मधेसी जनअधिकार फोरम लोकतान्त्रिकले ठाडै अस्वीकार गरेको छ ।

संविधान संशोधन विधेयकका पक्षमा मतदान गर्नुपर्ने शर्तसहित प्रधानमन्त्री प्रचण्डले केही दिनअगाडि राप्रपा अध्यक्ष कमल थापा र फोरम लोकतान्त्रिकका अध्यक्ष विजय गच्छदारलाई उपप्रधानसहित दुई मन्त्रालय लिएर सरकारमा आउन आग्रह गरेका थिए ।

कमल थापालाई उपप्रधानमन्त्री तथा परराष्ट्र र बिजय गच्छादारलाई उपप्रधानसहित संचार मन्त्रालय दिने कुरोको चर्चा निकै चलीरहेको बेला उनीहरुले गरेको प्रस्ताव अस्विकारले सरकारले सदनमा पेश गरेको संसोधन प्रस्ताव पनि फेल हुनसक्ने आकलन गरिएको छ ।

तर, राप्रपा र फोरम लोकतान्त्रिकले यथास्थितीमा सरकारमा नजाने जवाफ फर्काएको स्रोतले बतायो । बालुवाटार स्रोतका अनुसार थापा र गच्छदारले संसदमा पेस भएको संविधान संशोधन विधेयकमा आ(आफ्ना पार्टीले उठाएका मुद्दा समावेश नभएसम्म सरकारमा सहभागिता नजनाउने जवाफ दिएपछि प्रचण्ड अप्ठेरोमा परेका छन् ।

संविधानमा राप्रपाले हिन्दू राष्ट्र र फोरम लोकतान्त्रिकले थरुहट प्रदेश माग्दै आएको छ । जून माग पुरा हुन अहिले सम्भव छैन् ।

प्रधानमन्त्री प्रचण्डले संसदमा पेश भएको संविधान संशोधन विधेयक पास गराउनकै लागि गच्छदार र थापालाई सरकारमा ल्याउने कसरत गरेपनि पहिलो चरणमा त्यो सफल हुन सकेन् । संसदमा राप्रपासँग ३७ सीट छ भने फोरम लोकतान्त्रिकसँग १४ सीट छ ।

प्रधानमन्त्रीले माओवादी केन्द्रले सम्हालेका सञ्चार र स्थानीय विकास मन्त्रालय फोरम लोकतान्त्रिकलाई र राप्रपालाई परराष्ट्र मन्त्रालयसहित अन्य दुई मन्त्रालय दिने तयारी गरेका थिए । यता सरकारी श्रोतले भने उनीहरुले छलफल गरौला भनेको तर प्रस्तावलाई ठाडै अविस्कार भने नगरेको बताएका छन् ।

– See more at: http://suchanakendra.com/archives/59829.html#sthash.4Mxgo6qk.dpuf

सम्बन्धित समाचार

Comments are closed

भर्खरै view all

राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

पर्वतका कुस्मा र फलेबास नगरपालिकाले ल्याउन सकेनन बजेट

ग्रामीण क्षेत्रलाई सुरक्षित राख्न गाउँ अभियानमा ट्राफिक

बन्दीपुरमा केबलकार-रोप परीक्षण र गोन्डोलामार्फत सामान बोकेर लोड परीक्षण

राष्ट्रिय सभाका अध्यक्ष तिमिल्सिना र चीनको जनकंग्रेसका अध्यक्ष बिच भेटवार्ता , ‘छेन्दु– पोखरा उडानका लागि चीन तयारी अवस्थामा’