बेइजिङ अन्य देशले दाबी गरिरहेको दक्षिण चीन सागरमा चीनले टापु निर्माण गरिरहेको भन्दै सो क्षेत्रमा अमेरिकाले नाकाबन्दी लगाउनुपर्ने उनले बताएका हुन् । अमेरिकी सिनेटको अन्तर्राष्ट्रिय सम्बन्ध समितिमा उपस्थित टिलरसनले चीनको यो काम रुसले क्रिमियालाई युक्रेनबाट कब्जा गरेको घटनासँग तुलना गरेका छन् ।

‘हामीले चीनलाई यी संकेत पठाउँदै छौं, पहिलो उनीहरूले टापुहरू निर्माण रोक्नु पर्छ र दोस्रो उनीहरूले बनाएका टापुहरूमा उनीहरूलाई प्रवेशमा रोक लगाउनेछौं,’ उनले भनेका छन् । चीनले पुरै दक्षिण चीन सागरमा दाबी गर्दै आएको छ । यता फिलिपिन्स, ताइवान, मलेसिया र ब्रुनाईले समेत दक्षिण चीन सागरमाथि दाबी गर्दै आएका छन् । ओबामा प्रशासनले चीनको सो दाबीविरुद्ध प्रतिकार गर्दै आएको छ । टिलरसनले अमेरिकाले कसरी ती टापुमा नाकाबन्दी गर्छ भन्ने खुलाएका छैनन् ।

उनको अभिव्यक्तिलाई लिएर चीनको विदेश मन्त्रालयका प्रवक्ता लु काङले चीनलाई आफ्नो भूभागमा शान्तिपूर्ण गतिविधि गर्न कसैले पनि रोक्न नसक्ने बताएका छन् । यसअघि सो टापुको रक्षाका लागि चीनले जस्तोसुकै कदम चाल्न पनि पछि नपर्ने चेतावनी दिइसकेको छ ।