अब कुकुरले हैन मुसाले गर्नेछन् अपराध अनुसन्धान
अपराध अनुसन्धानको लागि विश्वभर कुकुरको पञ्योग हुने गरेको छ । विशेषत प्रहरीले अनुसन्धानको लागि कुकुरको प्रयोग गेर्न गरेको छ ।कुकुरको स्मरणशक्ति लगायतका विशेषताका कारण तालिम दिएर अनुसन्धानमा प्रयोग गर्ने गरिएको हो । तर, अब विश्वमा कुकुरको विकल्पको खोजि गरिदै छ । यसैक्रममा अनुसन्धानका लागि कुकुरको स्थान मुसाले लिने भएका छन् ।
नेदरल्याण्डका वैज्ञानिकहरुले यस्ता तालिमप्राप्त मुसाको जमात तयार गरेका छन् जसले अपराध अनुसन्धानमा सहयोग पूराउन सक्छन् ।
यी मुसाहरुले गन्ध सुँघेर सम्बन्धित घटनाको विषयमा प्रमाण फेला पार्न मद्दत गर्नेछन् जसका कारण अनुसन्धान अधिकारीहरु अपराधीको नजिक पुग्न सक्ने छन् ।
जसका लागि बैज्ञानिकहरुले पाँच वटा जासूस मुसाको नाम म्याग्नम राखिएको छ । यी मुसाले एक प्रयोगशालामा आफ्नो क्षमता प्रदर्शन गरिरहेका छन् । गोलाबारी भएको स्थानमा यी मुसालाई छाडेपछि यी मुसाले बन्दुक कसले पड्काएको थियो र अहिले को सँग बन्दुक छ ? भनेर पत्ता लगाउने जनाइएको छ ।
यी तालिम प्राप्त मुसाले निकै राम्रोसँग यस्ता बन्दुकधारीलाई फेला पार्न सफल भएको र मुसाको त्यो तागत तालीमप्राप्त कुकुरको भन्दा बढी रहेको मुसाका प्रशिक्षक मनिक ह्यामसलेग बताउँछन् । मुसालाई कुकुरलाई जति तालिम दिनु नपर्ने र १० दिनमै पोख्त बनाउन सकिने उनको भनाइ छ ।
