भारतको उत्तर प्रदेशका मुख्यमन्त्री अखिलेश यादव पार्टीबाट छ वर्षका लागि निष्काशित

भारतको उत्तर प्रदेशका मुख्यमन्त्री अखिलेश यादव पार्टीबाट छ वर्षका लागि निष्काशित

 भारतको समाजवादी पार्टीका अध्यक्ष मुलायमसिंह यादवले आफ्नै छोरा तथा उत्तर प्रदेशका मुख्यमन्त्री अखिलेश यादवलाई पार्टीबाट निकालेका छन् ।

प्रदेशमा हुन गइरहेको निर्वाचनमा अखिलेशले दुई दिनअघि आफूखुसी टिकट वितरणको सूची सार्वजनिक भएपछि आक्रोशित भएका मुलायमसिंहले उक्त कठोर निर्णय लिएका हुन् । छोरा अखिलेशसँगै उनले भाई रामगोपाल यादवलाई पनि पार्टीबाट निकालेका छन् । उनी महासचिव थिए ।

मुलायसिंहको परिवारबीच शक्ति संघर्ष चलिरहेको थियो । मुलायमका भाइ शिवगोपाल यादव र छोरा अखिलेशबीचको मनमुटाव सार्वजनिक चर्चाको विषय बन्दै आएको थियो ।

पारिवारिक झगडाका कारण समस्यामा परेको समाजवादी पार्टीमा आएका यो विवादपछि आसन्न निर्वाचनमा उसको अवस्था झनै नाजुक रहेको विश्लेषण भएको छ । भारतका सबभन्दा कम उमेरका मुख्यमन्त्री अखिलेश प्रदेशमा शान्ति सुरक्षा कायम गर्न र नयाँ पन दिन असफल रहेको टिप्पणी भएकाले समाजवादी पार्टीले धक्का खाने विश्लेषण भइरहेको बेला यो कारवाहीले थप जटिलता निम्त्याएको छ ।

छोरा अखिलेशमाथि कारवाही गरिसकेपछि लखनउमा सम्वाददाताहरुसँग बोल्दै मुलायमसिंह यादवले भने, ‘पार्टीका लागि व्यक्ति ठूलो होइन, निर्णय ठूलो कुरा हो ।’

सम्बन्धित समाचार

Comments are closed

भर्खरै view all

पर्वतमा माओबादी केन्दले जित्यो दुई उपाध्यक्ष र वडा अध्यक्ष, जिल्ला संयोजक वडा सदस्य मै पराजित

४३ वडाको मतपरिणाम सार्वजनिक, २६ वडामा एमाले, १६ वडामा कांग्रेस विजयी

पर्वतको जलजलाको अध्यक्षमा गठबन्धनका उम्मेदवार राजु आचार्य विजयी

पैयूमा अध्यक्ष कांग्रेस र उपाध्यक्ष एमाले विजयी

महाशिला गाउँपालिका अध्यक्ष र उपाध्यक्षमा एमाले विजयी