बढुवामा असन्तुष्ट एसएसपीले दिए राजीनामा

बढुवामा असन्तुष्ट एसएसपीले दिए राजीनामा

प्रहरी नायब महानिरीक्षक (डीआइजी) बढुवामा असन्तुष्टी व्यक्त गर्दै नेपाल प्रहरीका एक एसएसपीले राजीनामा दिएका छन् । खाली रहेको तीन पदमा प्रहरी महानिरीक्षक उपेन्द्रकान्त अर्यालले आफूलाई सिफारिस नगरेको भन्दै एसएसपी लव विष्टले शुक्रबार राजीनामा दिएका हुन् ।

सरकारले एसएसपीहरु गणेश केसी, केदारमान सिंह भण्डारी र रमेश भट्टराईलाई गत मंगलबार डीआइजीमा बढुवा गरेको थियो । महानिरीक्षक अर्यालको सिफारिस अनुसार गृहले लोकसेवा आयोगमा बढुवा सिफारिस गरेपछि उनीहरुको बढुवा भएको हो ।

बढुवा भएका मध्ये भट्टरार्ई महानिरीक्षक अर्यालले आफैंले कारबाही गरेका प्रहरी अधिकृत हुन् । ललितपुर प्रहरी प्रमुख भएका बेला भट्टराईलाई अर्यालले कारबाही गर्दै नसिहद दिएर फिर्ता बोलाएका थिए ।

बढुवामा नपरेका एसएसपी विष्ट तत्कालीन अञ्चल प्रहरी कार्यालय सेतीमा कार्यरत रहेका बेला तत्कालीन प्रहरी महानिरिक्षक कुवेर सिंह रानाले प्रशंसा पत्र दिएका थिए । ‘अन्तर क्षेत्रीय प्रहरी कार्यालय कार्यदक्षता मुल्यांकन २०७०’ अन्तर्गत अञ्चल प्रहरी कार्यालय मध्ये सेती सर्वोत्कृष्ट चयन भएको थियो ।यो समाचार आजको अन्नपुर्णपोष्ट दैनिकले छापेको छ ।

एसएसपी विष्टले समाजिक सञ्जालमा समेत असन्तुष्ट व्यक्त गरेका छन् । उनले तत्कालीन समयमा पाएको प्रशंसा पत्र समेत फिर्ता पठाउने घोषणा फेसबुक मार्फत गरेका छन् ।

उनले आफ्नो फेसबुक वालमा प्रहरी महानिरिक्षक अर्याललाई सम्बोधन गर्दै लेखेका छन्,‘ प्रहरी मूल्यांकन कार्यमा काम नलाग्ने प्रमाणपत्रहरु फिर्ता गर्न चाहन्छु।’

सम्बन्धित समाचार

Comments are closed

भर्खरै view all

राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

पर्वतका कुस्मा र फलेबास नगरपालिकाले ल्याउन सकेनन बजेट

ग्रामीण क्षेत्रलाई सुरक्षित राख्न गाउँ अभियानमा ट्राफिक

बन्दीपुरमा केबलकार-रोप परीक्षण र गोन्डोलामार्फत सामान बोकेर लोड परीक्षण

राष्ट्रिय सभाका अध्यक्ष तिमिल्सिना र चीनको जनकंग्रेसका अध्यक्ष बिच भेटवार्ता , ‘छेन्दु– पोखरा उडानका लागि चीन तयारी अवस्थामा’