सरकारले उच्च शिक्षा हासिल गर्न चाहने विद्यार्थीका लागि शैक्षिक कर्जा दिने योजना ल्याएको भए पनि त्यसमा बैंकहरु नै अनिच्छुक देखिएका छन् ।सरकारले विशेष गरी युवावर्गलाई लक्षित गर्दै ल्याएको शैक्षिक प्रमाणपत्र धितो राखेर कर्जा दिन बैंकहरुले नै चासो नदेखाएका कारण उच्च शिक्षा अध्ययन गर्ने विद्यार्थीले राहत पाउन नसकेका हुन् ।

सरकारले आर्थिक वर्ष २०७३/७४ को बजेटमार्फत उच्च शिक्षा हासिल गर्न चाहने विद्यार्थीहरुलाई शैक्षिक प्रमाणपत्र धितो राखेर कर्जा उपलब्ध गराउने घोषणा गरेको थियो । यस घोषणासँगै यस विषयले चर्चा पाएपनि कार्यान्वयनको पाटो भने निकै कमजोर देखिएको छ ।

बैंक तथा वित्तीय संस्थाहरुले नै चासो नदेखाएका कारण यस्तो कर्जा लक्षित वर्गसम्म पुग्न सकेको छैन । राष्ट्र बैंकका अनुसार चालू आर्थिक वर्षको कात्तिक मसान्तसम्म करिब ११ अर्ब रुपैयाँ कर्जा शैक्षिक प्रमाणपत्र धितो राखेर प्रवाह भएको छ ।यो समाचार आजको राजधानी दैनिकले छापेको छ ।