४० वर्षपहिले मरेकी महिला जिउँदै भेटिइन्!
December 27, 2016 | 6:23 am
एजेन्सी—/भगवानले बचाउन चाहेको मान्छेलाई मृत्युले पनि लान सक्दैन भन्ने भनाइ छ । यस्तै घटना भयो भारतको उत्तर प्रदेशस्थित कानपुर नजिकैको गाउँमा ।
कानपुरकी एक महिलालाई ४० वर्षपहिले सर्पले टोकेपछि मृत्यु भएको मानिएको थियो । उनका आफन्तले उनको शव गंगा नदीमा बगाइदिएका थिए ।
सन् १९७६ मा भएको यस घटनाको यत्तिका वर्षपछि महिला गाउँ फर्केर आइन् । आफू त्यतिखेर नमरेको, बरू बेहोश मात्र भएको उनले बताइन् ।
त्यो घटनाका कारण आफ्नो स्मरणशक्ति हराएको र अहिले आएर कुरा सम्झिन थालेपछि गाउँ फर्केको उनले बताइन् ।
गाउँलेहरूलाई उनको कुरा पत्याउन मुश्किल परिरहेको छ ।
