माओबादी केन्द्र दुर्लुङ्गका पुर्ब अध्यक्ष एमालेमा प्रबेश
नेकपा एमाले पर्वतको ४ महिने गाउँ जागरण अभियान अन्तर्गत जिल्लाको कुश्मा नगरपालिका दुर्लुङमा अगुवा वैठक तथा भेला सम्पन्न भएको छ । संविधान कार्यन्वयनका र स्थानीय निर्वाचनलाई लक्षित गरी सञ्चालन गरिएको अभियान अन्तर्गत क्लष्टर नम्बर २ अन्तर्गतको दुर्लुङमा उक्त भेला सम्पन्न भएको हो ।
भेलामा गाविसका एमाले निकट कार्यकर्ता र नेताहरुको सहभागीता रहेको थियो । भेलामा एमाले पर्वतका अध्यक्ष पदम गिरीले कार्यकर्तालाई संविधान कार्यान्वयनका लागि गाउँ गाउँबाट दबाब सृजना गर्न निर्देशन दिएका थिए । पछिल्लो राजनैतिक घटनाक्रममा एमाले देशको जनताले आशा गरेको शक्ति बन्दै गएको बताउदै अध्यक्ष गिरीले संविधान संसोधनको कुनै तुक नभएको भन्दै तत्काल संसोधन विधेयक फिर्ता लिन सरकारसंग माग गरेका थिए । दुर्लुङमा आयोजीत कार्यक्रमलाई एमाले सचिव पदमपाणी शर्मा, उप सचिव गोविन्द पहाडी, प्रचार विभाग प्रमुख लालबहादुर अधिकारी, जिल्ला कमिटि सदस्य शिवलाल सार्की, भोलानाथ शर्मा, तेजप्रसाद पाध्या र क्षेत्रबहादुर गुरुङ लगाएतले समसामयीक राजनैतिक पृष्ठभूमिमा आधारित मन्तब्य ब्यक्त गरेका थिए ।
भेलामा माओवादी केन्द्रका पुर्व गाउँ कमिटि अध्यक्ष आइबहादुर विक सहितका कार्यकर्ता एमालेमा प्रवेश गरेका छन । उक्त अवसरमा छबिलाल सुवेदी, नविन बस्याल, शेरबहादुर सार्की, गीतकुमार विक, लोकबहादुर सु्नार, छविलाल सार्की लगाएतका कार्यकर्ताहरु एमालेमा प्रवेश गरेका थिए । दुर्लुङ वडा कमिटिका अध्यक्ष सोभाखर पाध्याको अध्यक्षतामा सम्पन्न कार्यक्रमको सञ्चालन गाउँ कमिटि सचिव विष्णुप्रसाद शर्मा. र स्वागत खडगबहादुर गुरुङलेगरेका थिए ।
