दंगालका असली हिरो अमिर खान की महाबीर

काठमाडौं, ९  पुस– शुक्रवार सिल्भर स्क्रीनमा बलिउड अभिनेता आमिर खानको नयाँ फिल्म दंगल रिलिज भएको छ ।

दंगल फिल्मका असली हिरो रेसलर महावीर फोगाट हुन् जसले सामाजिक विभेदलाई हटाएर आफ्नी छोरीहरुलाई पहलवान बनाएका थिए । दंगल फिल्ममा महावीर फोगाटको भूमिका आमिर खानले निभाएका छन् ।

को हुन् रेसलर महावीर फोगाट ?

हरियाणाको भिवानीको एक सानो गाउँमा महावीरको जन्म भएको थियो । गीता, बबिता, विनेश र रितु नामका उनका चार छोरी छन् ।

उनले चारवटै छोरीलाई पहलवान कला सिकाएका थिए । महावीरको एक छोरा पनि छ । यसबाहेक महावीरले आफ्नो भाइको दुई छोरीलाई पनि पहलवान सिकाएका थिए । उनकी छोरीहरुले पहलवानमा थुप्रै मेडल जितिसकेका छन् ।

महिलालाई शिक्षा दिने निषेध थियो उनको गाउँमा

महावीरलाई आफ्नो छोरीहरु विश्वस्तरीय पहलमान बनुन् भन्ने चाहना थियो । बुबाको यो चाहनालाई उनका छोरीहरुले कडा मेहनत का साथ पूरा गरेकी थिइन् ।

महावीरलाई यो गुण विरासतमा मिलेको थियो । उनको पिता मानसिंह गाउँको कुश्ती पहलमान थिए । उनी १५ बर्षको हुँदा नै रेसलर बनेका थिए । राष्ट्रिय स्तरमा कुश्ती खेलिसकेका महावीरको पत्नीको नाम दया कौर हो ।

उनकी पहिलो छोरीको नाम गीता हो । उनीहरुले छोरीलाई पहलमान बनाउन सोचेका थिए जतिबेला महिलाहरुले कुश्ती खेल्ने कुरा असम्भव प्रायः थियो । तर पनि महावीर दम्पती आफ्नो लक्ष्यमा कहिल्यै विचलित भएनन् ।

पहलमान अखाडा चलाउन लिए कर्जा 
महावीरको छोरी गीता अखाडामा जाँदा सर्वसाधारणले खिसीतिउरी गर्थे । सन २०००मा महावीरले आफ्नो छोरीहरुको पहलमान प्रशिक्षणको लागि अखाडा निर्माण गरेका थिए । त्यतिबेला महावीर चार छोरीको बुबा बनिसकेका थिए ।

गाउँको कुश्ती लडाइँमा महावीरको छोरीहरुले जित्न थालेपछि सबैजना आश्चर्यमा परेका थिए । त्यतिबेला महावीरको हिम्मत बढेको थियो तर उनी आर्थिक संकटबाट गुज्रे । किनकी उनको पहलमान छोरीहरुको लागि डाइट र पैसाको जरुरत थियो । पैसाको चरम अभाव भएपछि उनले अखाडा बनाउन ऋण समेत लिनुपरेको थियो ।

उनी बिहान ४ बजे आफ्ना छोरीहरुलाई प्रशिक्षण गराउँथे । समाजका अरु मान्छे उनको यो कार्य देखेर खिसीतिउरी गर्थे । उनको छोरीहरुले कुश्ती खेलेर राष्ट्रिय र अन्तर्राष्ट्रिय खेल जितेकी थिइन् ।

महावीरको पहिलो छोरी गीता फोगाट कमनवेल्थ गेम्स २०१०का गोल्ड मेडलिस्ट हुन् । गीता पहिलो भारतीय महिला हुन् जसले सन २०१२ मा लन्डनमा भएको ओलम्पिक खेलमा सहभागिता जनाएकी थिइन् । गीता अर्जुन अवार्डबाट समेत सम्मानित भइसकेकी छिन् । छोरी बबिता र विनेशले कमन वेल्थ गेम्सको स्वर्णपदक जितिसकेकी छिन् ।

सम्बन्धित समाचार

Comments are closed

भर्खरै view all

पोखरा—बाग्लुङ राजमार्गको याम्दीमा यातायात बन्द गरेर काम गरिने, यी हुन सवारी चलाउने बैकल्पिक रुट

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज